中環Omakase鮟鱇魚肝驚現4cm寄生蟲！店員一句回覆超惹火

中環Omakase鮟鱇魚肝驚現3-4cm長的蟲

樓主在帖文中表示：「非常差的用餐體驗！！！（如果可以，我會給他們零分）沒辦法想像在食物中出現一條3-4cm長的蟲！」該名網民又指，即使多次禮貌地詢問，店員仍然避而不答，沒有提供任何解釋，僅告知需等待廚房回應。「3次禮貌地追問下，店員不停逃避，完全沒有解釋，只是說等待廚房的回覆。我們結帳後廚房回覆，他們的答案是『今天很忙』。」他憤怒地補充，對於一頓每人需支付1,600港幣的高價晚餐，餐廳的食品安全標準令人質疑。「食鮟鱇魚肝，有寄生蟲出現是很正常的事情？」他說。

鮟鱇魚肝有寄生蟲

對於鮟鱇魚肝中的寄生蟲，其他網民在評論中表達了不同的看法。一名網民評論指，「其實正面啲處理好困難咩？依家啲餐廳公關做得咁差點做生意」。另一位則提到，雖然鮟鱇魚肝通常含有寄生蟲，但應通過適當的處理來確保食品安全。「鮟鱇魚肝的確係有好多寄生蟲 ！但一般都會處理好。之前問過今村師傅佢哋會用 soda 水同唔知乜嘢去處理，聽講日本名店都出現過 ankimo 食到有蟲嘅情況，真心癲」。

另外，有網民指出，鮟鱇魚肝應該是熟食而非生食，如果發現寄生蟲仍然活著，則是一個嚴重的問題。「其實魚生，內臟係有機會有寄生蟲！係唔出奇！不過鮟鱇魚肝如果條蟲係未死！咁就真係好大問題！因為鮟鱇魚肝應該係熟食而唔會生食」。

店舖終回覆 承諾再培訓員工 希望事主刪文

在13號，樓主再更新帖文，指出餐廳已聯絡事主，並承諾會再培訓員工，「經過大家結烈討論之後，餐廳方面終於透過whatsapp同我哋道歉，並希望我delete post 給他們改過的機會。唔知大家點睇呢？」樓主又指「他們承諾會好好再培訓員工，為表誠意會退回晚餐的費用。」

不過樓主重申，「其實我們已經沒有即時上報食環署，還給他們一頓晚飯的時間回覆，已是一個給他們很大的機會。原本開開心心期待嘅晚餐，結果係不愉快失望而回，相信係金錢永遠都冇辦法可以補償。所以我係『不會』接受佢哋嘅退款安排，因為我始終有食過其他食物，作為客人我付款是應份嘅，我並唔係想搵著數。而Group入面既post 我亦都唔會delete。希望有飲食業嘅同行睇到我哋嘅post，真係好好珍惜仍然願意留喺香港消費嘅客人，唔好當我哋係傻豬豬咁樣呃。」