網民：不鏽鋼碟好影響食慾！直指3宗罪變「公屋碟」用家完美反擊｜飲食熱話

網友崩潰大鬧3宗罪：不鏽鋼碟好影響食慾 係公屋人先會用

不鏽鋼碟相信大家屋企一定會用過，平時見媽媽用來煮飯、放材料、蒸魚蒸蛋蒸海鮮都會用到。而臨近大閘蟹季節，其出現率亦直線上升，皆因大部份家庭都會用不鏽鋼碟來蒸大閘蟹。不過有連登網友卻對這不鏽鋼碟感到嫌棄，更以「呢隻碟真係好影響食慾「為題，大數不鏽鋼碟的三宗罪。

連登網友大數不鏽鋼碟三宗罪！
1）公屋窮人先會用

樓主認為不鏽鋼碟只會在公屋上出現，且一定要墊報紙，兩者加埋簡直是公屋窮人的象徵。

2）拎上枱擺食物 見到都唔開胃

樓主認為不鏽鋼碟明明就是放材料專用，但卻被用來放食物。本身色香味俱全的食物放在不鏽鋼碟上，頓時食慾一減，見到都唔開胃！

3）好似用狗碟食飯

不少人會用不鏽鋼碟裝著狗糧給毛孩吃，故樓主則認為不鏽鋼碟等於狗碟，若然自己用不鏽鋼碟吃食，就等於用狗碟食飯。

大批不鏽鋼碟用家連環反擊：學識煮飯會發現原來係神器

不過帖文一出，引來大批不鏽鋼碟用家連環反擊，有人直言明顯樓主無煮過飯，若然煮飯就會發現原來是神器。因為不鏽鋼碟夠薄身，傳熱度夠高，最適合蒸海鮮。對於追求效率的港人來說，就算跣手跌咗不鏽鋼碟，都不需要執玻璃。