大閘蟹放題自助餐2024推介8大酒店餐廳！最平$400任食爆膏大閘蟹
更多自助餐優惠推介：
大閘蟹放題自助餐2024推介｜編輯精選8間大閘蟹餐廳
大閘蟹放題自助餐2024推介｜1.中菜館陶源酒家$528 任食2小時大閘蟹放題
粵式中菜館陶源酒家上年推出大閘蟹任食放題大獲好評，今年乘勝追擊再度推出2小時大閘蟹放題，最平$528即可無限任食多種煮法的大閘蟹，包括清蒸大閘蟹、太雕蒸大閘蟹、油鹽焗大閘蟹，還有多款滋味小菜，特色小食無限供應，如北京片皮鴨、椒鹽海中蝦、 避風塘雞中翼、脆鹵豆腐、川味牛柏葉等。另外，每位客人更可享用特盛三式一份，包括鮑汁扣原隻鮑魚伴百靈菇、金湯小米燴遼參及蟹粉扒豆苗！陶源酒家全線分店（例如灣仔店、觀塘店、旺角店、尖沙咀店、九龍灣店、荃灣店、日出康城店）均同步供應此大閘蟹放題。
大閘蟹放題自助餐2024推介｜2. 九龍城台式餐廳等等Hea 任食6-7両大閘蟹
每年都會推出大閘蟹放題的九龍城人氣台式餐廳「等等Hea」，今年繼續推出88分鐘任食大閘蟹及蟹料理放題，價錢按大閘蟹的両數區分，最平$478食3-4両、最貴$818食6-7両大閘蟹，另加$38仲可以任飲古月陳年花雕及青島啤酒。餐廳嚴選江蘇大閘蟹，隻隻肥美肉嫩，爆多蟹膏，甘香綿滑。作為蟹迷，只有大閘蟹又邊夠喉，放題仲包多款蟹料理，包括生滾大閘蟹粥、瀑布蟹粉撈麵/飯、蟹油香辣雞煲、蟹粉水餃、台式腸蟹粉糯米飯、蟹粉澎湖花枝丸，全部即叫即製，蟹味濃濃。
大閘蟹放題自助餐2024推介｜3.瀛豐放題 $499三小時大閘蟹日泰放題
大閘蟹季節又到啦！銅鑼灣人氣放題店「瀛豐放題料理專門店」再度推出超抵食大閘蟹放題，最平$499可任食3小時，選用每隻足4両重的大閘蟹，即叫即蒸，蟹膏金黃飽滿，甘香豐膄，食5隻已輕鬆回本啦！放題仲包任食超過200款美食，包括刺身、壽司、燒物、泰式料理等，其中最受歡迎是即叫即燒的泰式海鮮，包括爽彈香惹的泰式燒元貝、泰式魚露燒蝦、沙嗲串燒等，香辣惹味！
大閘蟹放題自助餐2024推介｜4.神戶屋日韓放題 $480任食大閘蟹＋200款美食
想瘋狂怒吃大閘蟹之餘，又想食日式放題，旺角人氣放題店「神戶屋日韓放題」就啱哂你！他們新推出超抵食大閘蟹放題，6pm前或9pm後可享8折，折後最平$480可任食2小時，$599則可任食3小時，此放題套餐可任食每隻約3-4両重的大閘蟹，即叫即蒸，任食唔嬲！另外還提供多款蟹粉料理，包括蟹皇軍艦壽司、蟹粉小籠包、蟹粉蟹肉茶碗蒸。另放題仲包任食超過200款美食，包括刺身、壽司、燒物、雞煲、海鮮蒸鍋等，比貴少少$899更加可以升級任食生蠔、海膽、松葉蟹刺身，海鮮控切勿錯過！
大閘蟹放題自助餐2024推介｜5. JW萬豪酒店頂級蟹宴自助晚餐
JW 萬豪酒店的人氣自助餐餐廳 JW 咖啡室今個10月也為大家帶來「頂級蟹宴」自助晚餐，由酒店行政總廚黃致銓(Tony Wong)主理，以各地優質鮮蟹入饌，喜愛惹味菜式的推介湖南炒辣蟹、泰式咖喱炒蟹，特色的香料味配上鮮蟹肉，香惹十足，另還有焗釀蟹蓋和西式煎蟹餅；而中式區也有不少蟹的料理，推介花雕雞油蒸蟹、蟹粉小籠包、蟹皇扒時蔬，帶出鮮甜蟹肉的原汁原味。即席烹調專區更供應秘製蟹粥和蟹粉撈麵，即叫即煮，新鮮熱辣，蟹肉更鮮香！
除了以上主題美食外，餐廳還供應各式各樣的豐富美食，冰鎮海鮮就有英國麵包蟹、亞洲紅蟹或加拿大鱈場蟹腳、新鮮龍蝦和海蝦等選擇。熱葷區提供亞洲美饌為主，包括招牌燜澳洲厚花膠、澳洲烏參、燜原隻南非鮑魚、片皮鴨，中菜控一定鍾意！
大閘蟹放題自助餐2024推介｜6.港島香格里拉cafe TOO強勁蟹主題自助餐 低至75折
港島香格里拉的自助餐餐廳cafe TOO最近推出全新「鮮蟹」主題自助餐，香格里拉會員更可享高達75折優惠！嚴選不同產地及品種的蟹入饌，包括時令大閘蟹、松葉蟹、北海道花咲蟹（只限週末供應）、斯里蘭卡肉蟹，以及輪流供應的冰鎮海鮮（本地新鮮藍蟹及三點蟹）。每位客人入座後會獲贈清蒸大閘蟹一隻（只限晚餐時段），廚師更每日人手拆製蟹粉炮製多款小菜，包括蟹粉炒粉皮，蟹粉蟹肉伊麵等，全部無限任食，蟹鮮味十足！
另外還有多款用上蟹肉炮製的熱葷，包括招牌泰式咖哩炒蟹、蒜子胡椒肉蟹煲、銅盆糯米蒸花蟹、蟹肉茶壺蒸，蟹肉魚肚羹，蟹肉西蘭花，蟹粥等等，一眾蟹迷切勿錯過！除了蟹主題美食，自助吧還有供應冰鎮海鮮、任食大拖羅刺身、各式烤肉，炸物、港式地道小菜及精緻甜品，十分豐富，選擇種類超多！
香格里拉會會員有限定優惠：星期一至四及星期日：成人 75 折優惠，會員同行小童半價優惠；星期五、六、公眾假期及其前夕：成人 8折優惠，會員同行小童半價優惠； 12 位或以上惠顧之客人可享8折優惠（另設加一服務費，並以原價計算）
大閘蟹放題自助餐2024推介｜7.柏寧酒店江蘇大閘蟹主題自助晚餐
十月正值大閘蟹當造季節，柏寧酒店自助餐廳PLAYT呈獻大閘蟹主題自助晚餐，由10月11日開始供應至11月3日。是次大閘蟹主題自助晚餐焦點包括每位食享可享兩隻約重4両的清蒸大閘蟹，另外可以任食多款由主廚陳建聰師傅主理的蟹粉菜式，均選用江蘇大閘蟹製作，款式包括蟹粉燴魚肚、大閘蟹粉花膠羹、蟹粉海皇稻庭烏冬、 蟹粉帶子炒鮮奶及蟹粉炒粉皮等，當中首推大閘蟹粉花膠羹，以自家熬煮的濃湯加入養顏花膠和鮮味濃郁的蟹粉炮製而成，滋補之餘又顯矜貴。
另外自助餐還繼續供應恆常美饌，包括即開生蠔、龍蝦、雪蟹腳、刺身、壽司、西班牙烤脆皮乳豬、等豐富美食，無論是蟹迷抑或是自助餐控都一定食到大滿足！
大閘蟹放題自助餐2024推介｜8. $400食悦品酒店蟹主題自助晚餐
悦品酒店自助餐廳The Platter環境以火車做設計主題，讓食客仿如置身車廂中用餐，吸引不少人去打卡。最近餐廳新推出全新蟹主題自助餐，而且震撼價最平$400就食到。入座後每位食客可獲贈大閘蟹一隻，然後再可以任食多款以蟹入饌的主題美食，包括鱈場場蟹肉蟹籽芒果沙律、新加坡胡椒蟹、避風塘炒蟹、芝士海鮮焗釀蟹蓋、泰式紅咖喱蟹、竹籠花雕蒸蟹糯米飯等，還有焦點凍海鮮如鱈場蟹腳、麵包蟹、白蝦、藍青口、翡翠螺等，另還有豐富熱食，好像金銀蒜燒生蠔、焗芝士波士頓龍蝦、燒原條穀飼肉眼扒、燒羊鞍，這個價錢真心超抵！
