八達通搶利是攻略大全!大派過百萬元利是同優惠券|附派發地點+教學+商戶優惠
八達通推出歷來最大規模嘅「嘟」聲報喜農曆新年派利是活動，喺巨型廣告牌、商店宣傳品同網上大派總值超過6,880萬元嘅利是同商戶優惠，每日最多攞到高達$88嘅利是，睇埋落去，話你知搶利是同用商戶優惠攻略，幫你慳荷包過肥年。
八達通搶利是教學
步驟1：事前準備！用最新版本八達通App參加「好賞嘟」
搶利是前要先下載 / 更新八達通App，登入後參加「好賞嘟」並連結八達通，未有App嘅可以去文章最底連結下載。
步驟2：留意四周，較定鬧鐘準時搶利是！
每日有三個時段搶利是，每次金額由大至小順序派發，名額有限，先到先得，記住較定鬧鐘準時開搶！
- 早上7點
- 早上11點
- 晚上6點
時辰一到，跟住下面任何一種方法進入「嘟」聲報喜專頁搶利是，即刻Cap低下面搶利是位置大全，包你萬無一失，對準時機搶利是！
搶利是位置大全：
- 銅鑼灣渣甸坊1-3號（近港鐵F1出口）
- 銅鑼灣金百利商場（面向軒尼詩道，對面是祟光百貨）
- 銅鑼灣羅素街54-56號
- 旺角W Plaza
- 各區巴士站
- 電車車身
- 商戶「嘟」聲報喜宣傳品
- 網上「嘟」聲報喜廣告
- 八達通App主頁橫幅
勁過癮創新玩法：手機一嘟，利是即到手
喺戶外除咗可以Scan QR code，仲有多間商戶設有「嘟」聲報喜宣傳品，用手機背NFC位置拍向NFC圖案即可進入「嘟」聲報喜專頁搶利是，簡單快捷！提提iPhone 用戶要先開啓熒幕，用手機背頂部拍，Android用戶就要先解鎖手機，喺手機背中間拍。
步驟3：玩遊戲，收利是！
進入咗「嘟」聲報喜專頁，完成小遊戲後按「打開八達通App揭曉利是」打開八達通揭曉利是金額*，記得檢查清楚你嘅八達通App係最新版、已註冊或登入你嘅八達通賬戶，同埋連結咗八達通「好賞嘟」。
步驟4：消費滿額即有現金回贈！
喺拎完利是當日至第二日23:59前用已連結至「好賞嘟」嘅八達通完成合資格消費交易（包括零售、餐飲、乘搭公共交通工具或的士、購買交通月票、泊車、網上購物），3日後就可透過八達通App拍卡領取現金獎賞。單一消費滿$500最多可以攞返$88，相等於82折！單一消費金額最低由$100起，用之前記得確保有足夠餘額啊！
想睇返自己搶咗幾多利是？去返「嘟」聲報頁面撳「我的利是紀錄」，當消費滿額，「領取獎賞」嘅按鈕就會由灰色變做綠色，點擊後頁面就會自動跳去八達通App，拍卡就可以攞錢啦。
優惠加碼：攞埋優惠券 賺上加賺
除咗派利是，八達通App仲準備咗多個食買玩折扣優惠券，包括一粥麵$48煲仔飯連飲品，PizzaHut 滿$80減$5、日本城家品優惠券等，等你賺上加賺！
有超過25間主要零售商同餐廳嘅精彩優惠，想睇更多可以去返八達通App「好賞嘟」頁面！
參與商戶：
大家可以喺「好賞嘟」頁面下載啱心水嘅優惠券，之後點擊禮物盒圖案，喺「最近儲存」入面撳優惠券，拉動「滑動以使用」後show QR code或者條碼俾店員，就可以換到優惠，建議可以一次過download哂啲優惠券先，咁就唔使左搵右搵啦，記得留意使用期限啊！
以上咁多優惠都要將八達通App更新至最新版本先有～仲未有八達通App？即入以下連結下載！約定你搶利是，齊齊「嘟」聲報喜過蛇年！
Android: https://play.google.com/store/apps/details?id=com.octopuscards.nfc_reader
開搶利是活動日期：1月27日至2月28日
* 數量有限，先到先得。受細則及條款約束。
儲值支付工具牌照編號：SVF0001
SVF license: SVF0001
