AEON 12蚊店|10大懶人必買廚具推介!快煮微波盒/ 溏心蛋神器
AEON 12蚊店|10大懶人必買廚具推介!快煮微波盒/溏心蛋神器/密實封口夾
最近疫情嚴峻,唔少人都選擇長留在家,叫外賣叫得多都會厭,自己煮食先係王道!Living PLAZA by AEON 12蚊店貨品種類包羅萬有,包括零食、化妝品、護理用品、文具及廚具等,大部份貨品更加係made in Japan,CP值極高!今次記者到旺角分店掃貨,Let’s Go!


*每間分店的商品不盡相同,實際貨量以個別分店為準
10大懶人必買廚具推介
1. 快煮微波盒
香港人咩都要快,煮嘢食當然都唔可以怠慢啦,呢款微波盒快煮神器就幫到你!由飯、意粉、王子以至豆腐湯都有得快煮,超級方便實用,將食物入盒再加水,再放入微波爐幾分鐘就食得,最啱無時間餐餐煮九大簋嘅打工仔!




2. 日式溏心蛋神器
煮溏心蛋時,往往都難以確保將每隻蛋完整浸泡於醬汁內,呢個日本熱賣嘅溏心蛋神器就可以解決呢個煩惱!只要將煮好嘅水煮蛋放入神器內,加入100ml調味料,再放入雪櫃,冷藏後就可以獲得4隻完美入味嘅溏心蛋,難怪呢件產品長期都係日本人當地熱賣商品!

3.手搖剝蛋殼神器
一日之計在於晨,就算唔食豐盛早餐,好多人都會選擇烚隻蛋食,趕時間唔想攤凍先剝殼嘅話,呢個手搖剝蛋殼神器就啱晒你!只要放隻蛋入內,再輕輕來回搖動,就可以輕鬆去蛋殼!

4. 多功能料理包擠壓夾
烹調料理包時通常都非常狼狽,有咗呢個多功能擠壓夾就唔怕整污糟雙手!擠壓夾可以一物三用,一邊用作切割開口以及夾起於熱水內滾盪嘅食材袋,而另一邊則用作擠壓乾淨包裝內嘅食材,保證一滴都唔會浪費!

5. 肉包加熱矽膠套
有時買唔切餸,唔少人都會選擇買件包點就當晚餐,但拎返屋企已經凍冰冰,但又懶得開鑊蒸?呢個時候就可以用個肉包加熱膠套,令到肉包可以放入微波爐叮,唔變形之餘更可回復熱騰騰嘅溫度,甚至仲可以用作加熱牛油焗薯仔,相當實用!

6. 多用途開瓶器
無論玻璃樽、罐裝飲品抑或食物罐頭,呢個多用途開瓶器通通適用,即使女生都可以輕鬆開瓶!

7. 超輕薄軟膠砧板
呢款砧板採用軟膠可彎曲物料,方便將切好嘅食材直接倒入鍋,外型輕薄之餘亦堅固耐用,慳位一流!無論肉類、水果、蔬菜抑或海鮮都可以使用,一張滿足晒所有願望!

8. 水果剝皮神器
呢款剝皮神器適用於任何柑橘類水果,以後唔使怕剝皮剝到一岩一窟,再無藉口怕麻煩而唔食水果!

9. 進階版食物封口夾
包裝調味料往往開封後難以保存,呢款進階版封口夾除咗可以用作封存外,更特設半開口開關,需要倒出調味料時亦相當方便!

10. 食物存放密實盒
對於經常係屋企煮食嘅人,密實盒可以話係居家必備榜首,12蚊店出售嘅密實盒尺寸種類非常多,助你時刻保持食材新鮮!


Living PLAZA by AEON旺角店
時間:10am-11pm
電話:2388 3171
地址:九龍彌敦道601號創興廣場3樓(顯示地圖)
常見問題
問:店內所有貨品均為12元嗎?
答:沒有標價的貨品一律12元,其他列明價錢品除外。
問:除了AEON,香港還有其他12蚊店介紹嗎?
答:有,可參考:九龍灣淘大Daiso Japan $12店。
店內所有貨品均為12元嗎?
沒有標價的貨品一律12元,其他列明價錢品除外。
除了AEON,香港還有其他12蚊店介紹嗎?
有,可參考:九龍灣淘大Daiso Japan $12店。