7-Eleven新年可愛精品大集合！ SANRIO護照&卡片套/Disney公主/蠟筆小新扭蛋＋LINE車仔！｜新品速遞
廣告
7-Eleven趁著新年推出一系列精品，包括迪士尼卡通護照套、卡片套、帆布包等。除了精品以外仲有Pokemon、蠟筆小新、DISNEY 迪士尼公主系列、SANRIO角色首飾盒系列、LINE FRIENDS車仔等扭蛋，每款設計都非常可愛，粉絲必須收集呀！
撰文：GW｜來源：7-Eleven
迪士尼DISNEY 系列&鬆弛熊卡通精品 超萌引爆少女心！
迪士尼帆布包 $45
袋上面印滿反斗奇兵角色圖案，有三眼仔同薯蛋頭夫婦等等，超可愛呀！
迪士尼護照套$38.5
迪士尼護照套共有3款，包括小飛象、Marie貓同鋼牙大鼻，雙面隔層相當實用。
迪士尼卡片套 $ 26.5
卡片套有小叉及三眼仔2款主題，設計可愛，放入隨身卡片貼身陪住你過每一日！
鬆弛熊毛毛包 $45
毛毛包以鬆弛熊大頭設計，裝貼身小物已經夠用，雖然細細個，但拎出街超搶眼！
鬆弛熊洗衣袋 $50
鬆弛熊化身可愛又實用的洗衣袋，貼身衣物就由可愛的鬆弛熊負責幫你隔開啦！
精選卡通造型扭蛋系列
SANRIO 角色可愛首飾盒 $30
SANRIO角色化身為首飾盒，位於首飾盒內的 Hello Kitty、My Melody、玉桂狗及布甸狗可以獨立拆出，變成扭蛋，首飾盒則可放置飾物、鎖匙、硬幣等，造型可愛。
迪士尼公主童話故事造型系列 $50
迪士尼最不可或缺就是公主系列！迪士尼公主童話故事造型，灰姑娘配上南瓜車、白雪公主配上紅蘋果、小魚仙配上貝殼，超值得收藏！
蠟筆小新造型系列第5彈 $30
蠟筆小新造型系列第5彈共有4款，包括蠟筆小新動感超人版、康達姆機器人、妮妮及妮妮的「出氣筒」兔子，粉絲絕不能錯過！
精靈寶可夢造型夾仔第3彈 $30
精靈寶可夢推出造型夾仔第3彈！今次生招牌比卡超同伊貝，更有超高人氣的耿鬼、第一世代中呆萌的傻鴨及小呆獸齊齊加入，為你忙碌的生活帶來幾分治癒！
龍珠超爆裂吊飾第40彈 $20
歷來龍珠人氣角色的爆裂吊飾系列出第 40 彈，今次有《龍珠超》中的最強形態-自在極意功悟空及17號等角色。
TOPI LINE FRIENDS 車仔系列 $70
由香港玩具品牌 Topi 生產的「變速旋風車」驚喜加入 LINE FRIENDS 角色。每個 LINE FRIENDS 角色的頭部及手部都可轉動，做出不同表情！車仔更加入全新玩法，只要裝上隨產品附送的鐵代幣或重量相約的硬幣，將小車往後拉至「咔」一聲後放手，小車行走 2 至 3 秒後便會旋轉！
地點：全線7-Eleven分店
時間：即日起發售，數量有限，售完即止。
