7-Eleven推英倫風Sanrio精品 最平$69！型格紅藍格仔袋＋超萌毛毛拖鞋＋咕𠱸毛氈｜新品速遞
廣告
7-Eleven推英倫風Sanrio精品！踏入秋冬季，格仔時尚又開始流行，而英倫風的經典紅藍格紋就最受人追捧。7-11今次推出6款英倫風圖紋Sanrio精品，系列包括咕𠱸毛氈、毛毛拖鞋、卡套、袋仔等等，精品以布甸狗及Hello Kitty做主角，造型可愛復古，即刻睇吓有啲咩同幾錢！
撰文：GW ｜來源：7-Eleven
7-Eleven英倫風Sanrio精品最平$69！
型格紅藍格仔袋＋超萌毛毛拖鞋＋咕𠱸毛氈
SANRIO 圖紋系列-咕𠱸連被 $169
咕𠱸以雙面設計，前後有不同顏色，Hello Kitty 款色以紅藍格子為主色，而布甸狗則採用橙棕色。咕𠱸質地軟綿綿超舒服，可放在辦公室或家居的座椅上作腰靠，而打開拉鍊後裡面有毛氈，可作溫暖的小被子。
SANRIO 圖紋系列-毛毛拖鞋 $109
Hello Kitty款式以經典紅藍格紋作設計，標誌性的蝴蝶結超可愛。布甸狗款式上有布甸狗的肥肥的可愛身 姿，超萌呀！拖鞋採用保暖材質，毛毛柔軟舒適，秋冬保暖雙腳必備，鞋底仲有防滑設計，入廁所就唔怕滑倒啦！
SANRIO 圖紋系列-卡套 $79
兩款証件套設計上都印有D-cut 圖案，就像可愛的兩位角色向你探頭一樣。而證件套背後設有擺卡位，可擺放八達通、員工證、住戶證等，另外配備小掛繩，提取或手提証件套都非常方便。
SANRIO 圖紋系列-小袋 $99
小袋雙面都有不同的設計，Hello Kitty款正面印有 Hello Kitty 蝴蝶結，背後印有其另一代表小物牛奶樽；而布甸狗款正面設計好像正爬出袋子，背面設計印有布甸狗的背面，就像正在爬進袋中，非常可愛。小袋除了可收納化妝用品，也可用作放置日常小物如耳機線等。
SANRIO 圖紋系列-購物袋 $149
兩款手挽袋的格子圖紋都增添了其型格及充滿冬天氣息的風格，除了設計精美，還配備一長一短手挽帶，可手提或側背，袋身物料質地亦堅硬耐磨唔易爛！
SANRIO 圖紋系列-鎖匙扣 $69
Hello Kitty及布甸狗兩款鎖匙扣造型都超可愛，可掛於背囊或手袋，超搶眼呀！
7-Eleven英倫風Sanrio精品系列
日期：2020年11月25日起開售
地點：各7-Eleven分店有售，數量有限，售完即止。
