角落生物印花換領優惠 百佳超巿免費換廚具及家品！易潔鑊＋陶瓷餐具＋保溫杯｜新品速遞

撰文：TL｜圖片：官方圖片

百佳印花換領優惠
角落生物精品！

人氣卡通角落生物近來爆紅，其可愛趣緻的外形、呆萌的性格虜獲一眾大人、小朋友的歡心。最近百佳超市推出新一輪印花換購優惠，有多款角落生物家品及廚具，系列共16款，由入廚用具像易潔鑊、玉子燒鑊、食物模具，至餐具、食物盒、保溫壺等收納用品都一應俱全，超可愛，單是放在廚房都賞心悅目！儲夠指定印花更多免費換購，Fans要注意！

由即日起，易賞錢會員於全線香港百佳超級市場分店買滿$50，即可獲1個電子印花；於星期五、六、日買滿$250更可獲雙倍電子印花。換購優惠分為兩個階段，由即日起至2021年2月25日，可換領「收納食物系列」及「暖笠笠之選」；而「煮食好幫手」、「動動手DIY」及「萌爆餐具系列」則將於12月開始換購，大家記得儲印花喇！

第一階段換購 （10月23日至2021年2月25日）：

「收納食物系列」

收納盒對上班族或學生哥來說非常重要！今次換領的收納食物系列共有2款耐熱食物儲存盒套裝及一套4件的食物盒套裝，印上了角落生物的圖案，超得意！除了食物盒造型精美外，就連百潔布都非常可愛！5個角色齊齊變身成清潔好幫手，有了他們的陪伴，洗碗都洗得開心啲！

「暖笠笠之選」系列

同時亦有多款保溫壺及水樽，方便又實用，啱晒冬天使用！真空壺採用不鏽鋼設計，保溫功效顯著。有別與一般保溫壺，顏色繽粉之餘，更加入多個角落生物元素，夠晒吸睛！

第二階段換購 （12月至2021年2月25日）：

而12月起，則會有第二輪的換購優惠，包括「煮食好幫手」、「動動手DIY」及「萌爆餐具系列」，同樣吸引！

「煮食好幫手」系列

最近不少人都會留在家中，煮返兩味，這時候就需要一套靚廚具！是次推出的角落生物廚具睇得又煮得，款式選擇亦相當多，有易潔鑊、油炸鍋及玉子燒鍋等，而且造型別緻，以淡黃色為主調，印上多個人氣角色圖案，鑊蓋柄更是角落生物公仔，可愛感大增！

「萌爆餐具系列」

有了廚具，當然又要有餐具套裝作搭配！今次的落角生物陶瓷餐具套裝，共有5款，每套包括碗、杯、筷子、匙羹及醬油碟，有落角生物陪著你用餐，即刻食慾大增！

「動動手DIY」系列

一套5款的食物模具，可用來製作布丁或曲奇等甜品，角落生物造型甜品，睇得又食得，影相放上IG呃like仲得！

百佳角落生物印花換領優惠

日期：由即日至2021年2月25日
地址：全線百佳門市