日本DAISO JAPAN上水店開幕 新界第一間分店！佔地3,700呎 逾9千款$12生活雜貨／家品／個人護理／廚房用品＋下間分店地點流出 即睇詳情
廣告
DAISO JAPAN上水店正式開幕！繼早前於九龍灣、西灣河分店開幕後，DAISO JAPAN正式殺入上水，開設新界區第一間分店！Daiso上水分店佔地約3,700呎，面積夠大夠好行，店內有逾9,000款生活雜貨、家品、零食等，主打日本直送商品，上水居民可以掃平貨喇，即睇詳情！
撰文：KL ｜來源：AEON
日本DAISO上水店開幕！新界第一分店
逾9,000款生活雜貨/家品 一律$12
DAISO JAPAN繼6月起已開幕的九龍灣淘大分店及西灣河分店後，第3間的Daiso Japan正式登陸上水啦！全新分店選址上水匯，新店佔地3,680呎，空間夠大，提供近9,150款貨品，主打日本直送商品，無論是化妝及個人護理用品、精品、文具、食具、家居用品及小食等，全都一應俱全。
更多詳情：九龍灣Daiso Japan $12店正式開幕 超過7,000款貨品任揀！
DAISO JAPAN精選商品推介
DAISO JAPAN主打日本直送商品，除了特別標明外，一律價都是$12，非常抵買！商品方面有齊家品雜貨、化妝及個人護理用品、精品、文具、食具、家居用品及小食飲料等，所有家用的日用品都應有盡有。
官方透露：下間分店開呢度！
AEON分店愈開愈多，在宣布DAISO JAPAN上水分店開幕同時，AEON亦在帖文中表示「#下一站黃大仙區」，意味著下間分店將開於黃大仙區，至於地點就暫時未透露，就等記者以後再為大家更新報道啦！
