【聖誕買物】潮鞋Outlet開倉抵買送禮熱選

Photo：Dicky

又到聖誕，又係為家人好友嚴選聖誕禮物的時候。其實，大家都好想收到實用的禮物，可以考慮送有型又實用的潮鞋或運動鞋。適逢集大約80個運動潮牌的杏花新城outlet多間店舖推出聖誕「折」優惠，多個鞋款有低於半價或特價優惠，平至$99都有交易！除了型人必備的潮流品牌，更有休閒鞋、旅人或山系運動鞋，亦不乏童裝之選，約埋好友閨密、另一半或小朋友一齊去買禮物，一站式選購party look、親子look或有型行山裝備就最好不過，即刻睇以下抵買送禮精選！

潮人型Look必備

型人好多時一身衣服只作簡約配搭，但只要配襯一對潮鞋，就即刻為一身打扮帶來亮點！近年Fila備受韓妹熱捧，呢股韓風吹到香港，Fila專門店亦有進駐杏花新城。多款厚底潮鞋、新系列、衣飾及袋款都可以在此找到，店舖寬敞等你可以慢慢試。

一對短boot襯上一條tight jeans，馬上令人看起來線條修長。Timberland的經典防水靴耐看又耐穿，很多型人都有一對看門口。Palladium防水運動鞋款式簡單易襯，顏色選擇多；加上採用防水物料，遇到突然而來的不穩定天氣都唔怕啦！

Dr. Kong以舒服馳名，近年亦加入不少潮款，例如白色星星圖案運動鞋就以全白色配上一個矚目的暗金色不規則星星圖案，有型奪目。過百年歷史的美國運動潮牌Etonic最吸睛當然係復古經典款，由外形設計，到易襯、大膽用色，或大玩撞色配搭，都深受不同型人歡迎，仲好易襯出情侶裝添！

休閒運動達人至愛

日本潮流戶外品牌Flower Mountain由熱愛戶外活動的設計師設計，運動鞋加入花花元素及和風設計，最啱配文青悠閒look。近年厚底波鞋大熱，Skechers的藍白色運動鞋，簡約好看。

唔想著情侶裝，可以同另一半低調地暗襯一齊著情侶鞋，New Balance的同款男女裝運動鞋可以俾你揀淺藍色及深藍色互襯。adidas舒服易襯，無論男女老幼鞋櫃內總有一對或幾對，係時候睇睇係咪要換新喇！Puma麖皮鬆糕鞋可以話係不死鞋款，多色選擇，襯褲、裙或任何打扮都好睇。

山系旅人必選

不少人都會趁聖誕長假期去旅行，或者相約好友行山，趁有特價不如入手行山裝備。一對Palladium防水高筒運動鞋非常輕身，旅行、行山遇到落雨或行山澗都唔怕濕。Flower Mountain運動鞋大玩山系鄉野元素，時尚型格，一身素色運動服只要配上色彩繽紛的樹葉圖案運動鞋，立刻醒神矚目！

想搵專業行山鞋、跑步鞋、行山用品如行山杖、保溫瓶、保暖手套，甚至雪抓等，Nikko、Megafoot+及Free Running Pro均齊備，後兩者更有多個品牌選擇，包括Merrell、Columbia、Hoka、Montane及Cheeki等。

童裝之選

幫小朋友挑選鞋款，舒適固然係首要條件，另外款式特別、用色夠sharp，小朋友可以頓時變成小潮人。Skechers、New Balance、Dr. Kong及Puma等多個品牌都推出童裝系列，均集齊以上舒服及時尚兩大要素。

杏花新城

地址：柴灣盛泰道100號（港鐵杏花邨站）
網址：www.paradise-mall.com.hk

杏花新城 x 足履聖誕快樂

推廣期：即日至2020年1月1日
凡於推廣期內消費滿$1,200或以上，即可換領$50港鐵商場現金禮券
優惠受條款約束，詳情請參閱場內海報。