iHerb優惠最後衝刺！無最低消費額、下單即減$60 10大必買好物推介｜購物優惠情報
撰文：家家 ｜圖片：iHerb
新年限定 輸入「8USDIHERB」即減$60！
iHerb牛年首波激抵優惠！而家只要落單時輸入優惠碼「8USDIHERB」，即可享$8美金折扣優惠，即係大約平咗港幣$60，仲要無限最低消費額，買幾多錢都用得！優惠期去到2月4日凌晨2點咋，睇完以下10大好物推介即刻去掃貨啦！
無限回購！iHerb 10大必買好物推介
1. CeraVe 保濕霜 $172/453g (按此購買)
皮膚科醫生推介、被喻為「濕疹救星」嘅CeraVe保濕霜，絕不含類固醇、酒精，更蘊含3種皮膚必需嘅神經醯胺及透明質酸，有效滋潤皮膚同時增強皮膚屏障功能，防止肌膚水份流失，大大改善濕疹問題。
2. Mild By Nature 防脫髮洗頭水 $64.5/473ml (按此購買)
iHerb長期銷量排名No.1嘅天然防脫髮洗頭水，平價抵用不在話下，重點成分天然安全，不含硫酸鹽、對羥基苯甲酸酯及鄰苯二甲酸酯等等化學物，更添加複合維他命B、生物素及植物成分，唔單止有效防脫髮，唔少用家更表示用後生多咗BB毛𠻹！
3. Arm & Hammer, UltraMax 爽身粉味止汗劑 $40/73g (按此購買)
大汗人士必備！以蘇打粉著稱嘅美國鐵搥牌Arm & Hammer所出品嘅止汗劑，利用蘇打粉天然消臭特性消除腋下出汗後散發嘅異味，再加上清香嘅BB爽身粉味，出足成日街都keep住香噴噴，唔使再怕一出汗成陣味咁尷尬啦～
4. Carmex潤唇膏 $16/ 4.25g (按此購買)
每逢冬天雙唇都會又乾又多死皮，Carmex潤唇膏唔單止有效滋潤雙唇、紓緩唇部敏感、唇瘡等問題，最重要係佢仲有防曬功效，可以保護雙唇免受紫外線傷害，緩慢雙唇老化、減少唇紋出現，令唇部回復水潤飽滿。
5. Kettle薯片 $24/141g (按此購買)
絕對係一款令人食到停唔到口嘅薯片！美國天然手工製薯片，比一般薯片較厚身，食落口感更脆口，首推法式芥末蜜糖味，酸酸甜甜帶有芥末微辣香氣，微妙嘅口味令人一試難忘～平時超級市場要$30先買到一包，iHerb $24就有交易，用埋優惠簡直係超抵食！
6. Nubian Heritage 非洲黑皂 $38.7/142g (按此購買)
唔少用家表示用完背脊嘅痘痘無晒，有濕疹問題嘅朋友亦覺得症狀紓緩咗～非洲黑皂蘊含乳木果脂、蘆薈、燕麥等天然成分，當中乳木果脂蘊含豐富維他命E，高效保濕同時加速傷口療合，清潔同時排毒去角質，特別適合問題肌膚用。Nubian Heritage亦有推出非洲黑皂沐浴露，適合無用開番梘嘅朋友～
Nubian Heritage 非洲黑皂沐浴露 $100.5/384ml (按此購買)
7. Now Foods 有機認證可可巴油 $69.6/118ml (按此購買)
居家必備嘅萬用油～以100％全天然有機可可巴提煉而成，具有極強保濕功效，同時可以軟化角質及消炎，可以用於全身或頭皮，至啱用嚟幫肌膚保濕、做髮尾油～可可巴油仲可以用嚟去黑頭，潔面後用熱毛巾敷喺鼻上5分鐘，再以少量可可巴油按摩就會見到黑頭粉刺慢慢浮出！
8. Andalou Naturals 南瓜蜂蜜甘醇美化面膜 $93/50g (按此購買)
唔好見咁平就以為佢無用，用過嘅朋友個個都大讚美白煥膚效果一流！Andalou Naturals係美國No.1有機護膚品牌，呢款面膜含有維他命C、南瓜泥、麥蘆卡蜂蜜，仲有果酸溫和煥膚，一樽就有齊美白、排毒、滋養3大功效，用完即時提亮肌膚，特別適合肌膚泛黃暗啞、有暗粒問題嘅朋友！初初敷上面會有輕微溫熱感係正常現象，因為當中成分會促進循環，過一陣就消失㗎喇～
9. 印度神泥Clay mask $64.1/454g (按此購買)
iHerb上長期缺貨、每次補貨都會被搶購一空嘅深層清潔面膜～被喻為「世界上極強效的面膜」嘅印度神泥採用100%天然鈣基膨潤土，可以深入肌底清潔毛孔，改善黑頭、泛油、痘痘肌、毛孔粗大問題，更無添加香料、色素、防腐劑，敏感肌感都可以放心用，有興趣嘅朋友記得要mon實幾時返貨喇～
10. California Gold Nutrition 水解膠原蛋白粉 $137.1/204g (按此購買)
要知道年過25膠原蛋白嘅流失速度猶如倒水般咁快，要保持肌膚年輕緊緻、骨質健康就要額外補充膠原蛋白喇～市面上好多膠原蛋白補充劑都會有陣味，但呢款粉狀沖劑飲落都算順口，仲有埋透明質酸同維他命C，一次過幫你提升肌膚、關節、骨骼健康～
最新嘅電子商務購物保障輕鬆幫你解決網購煩惱，無論係收貨延期、送貨出錯、送貨時貨物損壞通通都喺保障範圍內，保障金額仲高達港幣$7,750！最正嘅係保障唔需要額外申請，網購時用Visa Signature同Visa Infinite付款就搞掂，網購就夠晒放心啦～即睇詳情：p.nmg.com.hk/hijsw3
