香水都要換季！小資女必入手 5款清新甜美香水推介︳購物優惠情報
撰文：家家 ｜圖片：官方圖片
春夏必入手 5款花香、果香清新甜美香水推介
1. Maison Margiela REPLICA Lazy Sunday Morning 淡香水 — 按此購買
Lazy Sunday Morning以麝香為主調，結合充滿活力嘅梨香同迷人玫瑰香氣，尤如沐浴後嘅自然氣息、被陽光照射嘅溫暖感覺，成個香調都好清爽乾淨，年紀較細嘅女生都carry到～而呢款香水持久度亦相當高，出完成日街仍然有淡淡香氣。
2. Aesop Tacit 悟香水— 按此購買
澳洲品牌Aesop除咗身體保養、護膚系列出名之外，其實佢哋推出嘅香水都係必買之一～有別於市面上傳統嘅香水，Aesop嘅香水最大特色係帶有獨特嘅天然草本香氣，而呢枝Tacit悟香水就加入羅勒調配，當中散發着柑橘清香，用起嚟感覺活力充沛、相當醒神，中性嘅味道連男仔都啱用～
3. Dior Lucky 香薰 — 按此購買
Dior首席調香師François Demachy深信鈴蘭可以為人帶嚟幸運，所以特別以鈴蘭以及各種白色花卉調配出呢款清新淡雅嘅Lucky香薰，佢嘅花香細膩優雅而不俗氣，今個春夏一於噴上Lucky令幸運伴隨自己啦！
4. Eau de Sabon Jasmine 淡香水 — 按此購買
講到花香，又點少得茉莉花呢～呢款淡香水以清新嘅佛手柑作前調，緊接着依蘭、玫瑰、百合及茉莉怡人花香，最後以甜蜜嘅香草同麝香作結尾，豐富層次嘅香調將女性溫柔而優雅嘅迷人魅力完美展現。而且價錢仲相當親民，入手絕對唔會心痛，啱晒小資女～
5. Penhaligon’s Luna 淡香水 — 按此購買
Luna代表着希臘神話中的月亮女神，單單聽個名都知道佢嘅香氣有幾咁迷人～前調嘅檸檬、佛手柑酸酸甜甜嘅氣味同夏天相當夾，隨之而來有柔和嘅茉莉同玫瑰香氣，既有清爽嘅果香又有優雅嘅花香，特別適合剛踏入職場社會嘅小女人～
最新嘅電子商務購物保障輕鬆幫你解決網購煩惱，無論係收貨延期、送貨出錯、送貨時貨物損壞通通都喺保障範圍內，保障金額仲高達港幣$7,750！最正嘅係保障唔需要額外申請，網購時用Visa Signature同Visa Infinite付款就搞掂，網購就夠晒放心啦～即睇詳情：p.nmg.com.hk/hijsw3
