M57手提風扇全城熱賣!網民狠批6大缺點 唔夠涼未算最衰 :係智商稅
M57手提風扇全城熱賣!網民狠批6大缺點
近日,有特賣城推介M57製冷手提風扇後,令到大批市民到場購買,誇張程度甚至令到相關的店鋪提醒顧客,製冷手提風扇要在特定的時間才能買到,就有網民購買後在Facebook專頁「風扇仔關注組 🌬❄️ (手提風扇仔/ 製冷風扇仔/ 便攜充電風扇/ 移動冷氣機討論/ 一二手買賣)」發表長文分享用後感,當中直接以「智商稅」去形容,6大缺點分別如下:
![m57 手提風扇 M57製冷手提風扇全城熱賣!誇張程度甚至令到相關的店鋪提醒顧客,製冷手提風扇要在特定的時間才能買到(圖片來源:Facebook@「(新)深水埗電子特賣城-淘多多有咩好買?二手全新唔啱駛放售放送群」)](https://imgs.gotrip.hk/wp-content/uploads/2024/07/448947642_466785979406755_4760820303022608666_n_1371965979668e57a98aeae.jpg)
M57製冷手提風扇6大缺點|1.風力普通
樓主形容M57製冷手提風扇的外型與傳統闊大扇葉的設計截然不同,因此會出現「送風柱好窄
夠吹塊面,唔夠吹個身」的情況。
![m57 手提風扇 樓主讚舊式芭蕉扇好好用(圖片來源:小紅書)](https://imgs.gotrip.hk/wp-content/uploads/2024/07/whatsapp-image-2024-07-10-at-16.39.47-1_1207003930668e5c0ead30f.jpeg)
M57手提風扇6大缺點|2. 製冷能力非常雞肋
M57製冷手提風扇所謂的製冷位置,就是正中間只有一蚊硬幣大小的鐵片,因此樓主直言:「但可凍的位置細,夠凍你兩粒lin幾下」隨後鐵片的溫度又會因為體溫而變高,因為表示:「用嚟凍身呢個功能好戇X,因為凍得身來又吹唔到你body」
![m57 手提風扇 不少見到網民之鐵片會凍到出水。不過樓主認為「凍得身來又吹唔到你body」,是非常雞肋的功能(圖片來源:小紅書)](https://imgs.gotrip.hk/wp-content/uploads/2024/07/whatsapp-image-2024-07-10-at-16.25.49_767963325668e577bb8780.jpg)
M57製冷手提風扇6大缺點|3.續航力不能夠換電成為最大問題!帶出街用一陣就變成負累
M57製冷手提風扇6大缺點|4.長時間使用「製冷」功能後關機,鐵片會發熱
樓主認為與「熱倒流」有關,意味使用期間M57風扇會發熱,因為需要更多的電力去抵銷「製冷而發熱嘅能量」,因此樓主表示:「你可以想像下件事係幾嘥電」5.有比M57手提風扇更好的選擇
M57製冷手提風扇6大缺點|5.有其他更好的選擇
樓主分享如果想要類似的散熱涼快效果,可以到特賣城購買噴霧:「入水出街覺得好熱時,噴一噴個身,然後吹,包你覺得全身涼,或用冰涼紙巾抹下個身,攝喺頸後再吹風扇」
M57製冷手提風扇6大缺點|6.風速調節設計不足
原來M57風扇的風速調節有100檔,不過在街上開到60檔時,就算距離臉部20-25cm,卻感受不到風力「有一半時間,都係feel唔到佢有風,我不斷試個距離後,發現佢風力同風量唔夠,所以喺街行,條街有少少風都吹得散佢個風柱」;此外,還認為這個設計相當多餘:「每次開都要慢慢等佢由1上到100」。
最後,樓主更在價錢、風力、風量等等的細節上逐一評分,在5分滿分入面,M57製冷手提風扇獲2分,最後更僅用3粒字總結「不要買」。
![m57 手提風扇 樓主的評分(圖片來源:Facebook@「風扇仔關注組 🌬❄️ (手提風扇仔/ 製冷風扇仔/ 便攜充電風扇/ 移動冷氣機討論/ 一二手買賣)」)](https://imgs.gotrip.hk/wp-content/uploads/2024/07/whatsapp-image-2024-07-10-at-17.39.16_111029089668e58a1645d2.jpeg)
M57製冷手提風扇6大缺點|網民激辯「已中伏」VS「係你唔識用」
帖文出街後,引起不少網民熱烈討論,有人認同樓主的講法:「前日係深水埗買咗,咪中伏囉,買時都有試用過,但諗得唔夠清楚,就係好似你咁講,凍得塊面又凍唔到個身」、「唔好咁大期望,喺熱嘅地方就熱,喺凍嘅地方就凍」、「加咁多野一睇就知係智商稅,唔怕嘈嘅買返把F30算啦!頭都吹甩」
不過亦都有網民為M57製冷手提風扇平反:「喺華強北見到試咗下,右邊個掣撳到50%風力都好勁,上到100%更加勁,風力麻麻係你買錯定唔識用?」、「首先唔好覺得係出冷氣,白色嗰款無鍍膜會好啲,天氣好熱嗰時貼落條頸度勁有用」、「嗰粒野係用嚟凍風,唔係用嚟凍身㗎」。