JPEX案｜林作北上大魚大肉晒全家福　突現2新面孔身分存疑　網民：禽獸！

林作北上大魚大肉合家歡　網民：點解可以出境？

林作做JPEX案中一直表現得非常合作，配合警方的調查。坊間苦主一籮籮，更有指不少人因信任林作而把大量資金投放JPEX，令自己「損手爛腳」，金錢根本「打定輸數拎唔返」。事件調查中，城中的討論熱度亦相對平靜下來，不過近日林作適逢中秋節，與女友裕美、媽媽、107歲外婆一同北上做節，而除了4人以外，更多了一名男士名女士。在林作自己貼出的全家福照片中，可見一家樂也融融的面貌，看似未有受到JPEX案影響心情，而裕美亦放出大閘蟹的照片，相信一家人開心大魚大肉，「飲紅酒食大閘蟹」。

網民：2個新面孔係邊位？

網民看到照片後，好奇相中2個新面孔為何人，指「個男人係林作呀爸？有D似樣，但佢唔係單親家庭？」、「之前有人講過林作個呀爸有第二頭家，有個同父異母個妹，會唔會就係佢兩個」、「個女有D似裕美，兩個都係未蒲過頭」、「林作Po完相可唔可以解釋下個2個係邊位，唔會同JPEX有關呀可？」

苦主：你知唔知幾多人因為你而瞓唔著覺呀？

除了關心相中人是誰，最多人留言鬧爆林作「正禽獸」，指「好多人因為信你哋班吹捧JPEX嘅人而傾家盪產，而家輸到乜都無，唔好話中秋節食飯，同屋企人關係都被影響，你仲可以大魚大肉咁無人性？」、「有得食好食，入去坐你有排受」、「就來入冊現在唔食等幾時，食多D，食飽D，最後的晚餐」、「點解你保釋緊可以出境，會唔會學陳怡走咗去」、「仲咁好胃口食得落，你面皮厚到」、「自己有錢就食好嘢，就算冇咗100萬」、「其實你老豆真係有先見之明，批中晒『睇死你呢世冇成就』」、「全部無個好人，點解仲要笑咁開心」。