Francfranc水樽遇熱水即變到長形茄子狀 網民：呢個情況真係第一次見
廣告
Francfranc在香港深受歡迎，主打家居裝飾、日常生活用品等，惟近日被網民開Post指「買返嚟就變形」，引起討論。而帖中事主更貼出一張變成長條狀的膠樽相，指自己「今日去咗Francfranc買個水樽，返到屋企想幫佢消消毒，點知⋯⋯」。照片發布後，隨即引來網民熱議，大家除了嘲笑水樽變型後激似某類用品外，另一重點則指事主只能怪自己，稱「自己唔睇使用說明」、「明知呢間嘢都係大陸貨，買係你自己問題啦」。
港人買Francfranc水樽 消毒後竟變長條玩具
事主以「今日去咗Francfranc買個水樽，返到屋企想幫佢消消毒，點知」為題，在連登討論區上貼出一幅前後對比圖，原圖為一個正常不過的水樽，但事主指消毒後水樽即變形，變成了一個又長又圓的茄子狀物體，大為震驚。
網民：講到明唔可以用熱水啦
照片一出，網民即爆笑指「一入嚟以為你Po用完嘅CondXX」、「變形到唔認得，仲以為係玩具」、「茄子咁嘅樣，笑死」、「容量大咗，裝嘅水多咗，樓主賺咗啦，仲擺上嚟講笑死人」。不過亦有網民指根本是事主自己出的錯，因產品的使用說明已列明不能用盛載熱水，「人哋都講明個水樽唔裝得熱水，你倒熱水緊係溶啦」、「Francfranc有設計，懶法日風懶elegant，但大部分貨中國製都算，點會諗到價錢貴得嚟品質差到咁。不過樓主啱唔晒，都有責任睇標籤嘅，呢樣人地件貨有寫明無收埋」。
網民：3大原因唔幫襯Francfranc
另外亦有網民指「Francfranc啲嘢不嬲唔好用」，更教路「買水樽盡量揀返連貴價攪拌機都係用佢嗰D啦，夠硬淨同耐高溫」、「要就個樽嚟用，連基本功能熱水都唔裝得，咁買嚟做咩」、「大把水樽都唔裝得熱水，你自己唔睇清楚，不過溶到咁都係第一次見」。而網民亦力數3大原因「唔幫襯此店」，他們指「呢間嘢係咁，之前買個金色餐具洗完會甩色」、「扮高檔貨，呃啲師奶港女」、「喺Francfranc買原價要成兩嚿水，淘寶就幾十蚊人仔」。
資料來源：LIHKG
關鍵詞
網絡熱話
圖片來源：討論區、Francfranc官網
