Donki激安殿堂被港人嫌太多　點名4大分店根本不應存在：港島區最出事

網民票選Donkii激安殿堂「最應該執笠分店」　小西灣成榜首

自從大家重新出發旅行，不少人都為日本過江龍店擔心，而首當其衝的都是大家認為「太多」的Donki激安殿堂。有網民早前在討論區發文，指「有相熟（Donki）高層透露，因為租金回升，好多係疫情時簽平租的舖位，依家面臨續租壓力，唔排除縮減規模及結束部分分店」。雖然消息並未經證實，但已引起網民一陣陣的討論，指「經營不善就經營不善啦，買嘢都要排長龍，幫襯多幾次都唔想去啦，乜都話租金復常」、「真係，明明有自助又唔開，有時凌晨去買野都長龍」、「連壽司都無咗半夜50%off，人哋一田aeon都會夜晚6折/7折，好快畀人掃哂」。而後來更有網民選出「幾間分店簡直唔使存在」！

網民選最不應存在分店一：DON DON DONKI 藍灣廣場店

位於小西灣藍灣廣場的Donki，網民指「首先小西灣嗰間可以執啦」，全因「小西灣開左Donki，商場都吸唔到人流，根本就無人去」、「個位咁X，點會有人去」、「小西灣個死場，開咗同無開無分別」。

網民選最不應存在分店二：DON DON DONKI 美麗華店

網民指「尖沙咀間donki封到d路好似結界咁，排隊又耐，咪搞」、「尖沙咀果間多人到癲，勁多大陸人，香港人都行唔到」、「

網民選最不應存在分店三：DON DON DONKI 名珠城店

銅鑼灣本為旺區，但網民指未見Donki「有幾旺」，指「之前銅鑼灣個間星期一至日，連食飯時間都極靜」、「開到成座迷宮咁，D貨又難睇，啲路又逼，行都唔想行」、「成日要人順住條路兜幾十層，行到上去都無心機啦」。

網民選最不應存在分店四：DON DON DONKI 淘大商場店

網民指「我覺得反而淘大嗰間應該要執，真係無人去，人流係奇低」、「鑽石山5月嗰陣又開咗一間，我估係為咗執淘大鋪路」、「連鑽石山都開埋，係咪Donki走投無路」、「鑽石山都唔好得去邊，開到11點，熟食又少過黃埔店」。

網民稱貨品才是最大問題：又貴又賣D唔係日貨

不過除了以上分店被網民選為最不應存在分店外，大家紛指Donki最大的問題應是貨品和價錢問題。不少人指「面積細，越嚟越貴，又賣唔係日貨，搞到其他舖都好買過佢」、「樣樣貨都貴過其他舖」、「快啲執咗去啦，唔會可惜」、「真係要買日本嘢，去aeon或者apita好過，好行勁多，種類又多」、「睇佢賣嘅價錢，我以為D yen兌緊10算」、「759阿信屋都好過佢」、「真係搵鬼去」。

資料來源：LIHKG