Clockenflap| 港人夜遊撐YOASOBI 粉絲大數4不滿：睇騷好無品

Dec 2 2023

Clockenflap 2023｜1連3日的音樂大型盛事Clockenflap昨（1日）打響頭炮，全晚最矚目的無疑是日本組合YOASOBI表演環節，人海填滿整個場地。YOASOBI首次來港演出，不少粉絲滿心期待，更大讚現場氣氛好過日本。不過，網上同時有人大數不滿，稱台下發生「膊頭事件」，又一次見證「香港人睇騷真係好無品」。

YOASOBI香港首次表演港人夜遊力撐：氣氛超級好！

日本組合YOASOBI為今年Clockenflap壓軸演出單位，消息一出即賣光門票，不少港人都極期待昨晚（1日）表演。而YOASOBI昨晚表演確無令人失望，大唱《夜に駆ける》、《IDOL》等港人大愛的歌曲，令全場High爆，打破以往「坐住睇concert」的港人習慣，人人又跳、又叫、又拍片，氣氛相當高漲。YOASOBI的演出更令不少粉絲表示「近年最正，最帶動到氣氛嘅組合」，期望她們能正式來港開騷。

clockenflap yoasobi — （圖片來源：X@YOASOBI_staff）

やまひか爆レス in 香港https://t.co/frLAo2ggt2
— YOASOBI (@YOASOBI_staff) December 2, 2023

港人激讚YOASOBI表演　反斥粉絲質素低

YOASOBI令港人High爆，但同時有人卻被同場粉絲「激爆」，更在LIHKG討論區中大數4大不滿。

1.全晚當自己個人演唱會

不少粉絲難得在港能感受YOASOBI的威力時，都表現得相當投入和激動，但有現場人士指「YOASOBI真係好叻，全晚唱LIVE好好聽，企旁邊個男仔仲全晚唱歌畀我聽，我以為係佢個人演唱會」。事關不少人指，站於自己附近的人全晚都「唱足咁多首」，「首首都唱足，我拍片返到屋企睇，全部都係你把聲」、「今晚果然無令我失望，Ikura唱得好出色，就算係2,000蚊嘅3-day pass都值回票價。而企喺我後面嗰位師兄一開波Yoasobi一出場，佢已經搭住我個膊頭借力，將部電話放喺我前面錄，其實真係多得佢唔少，知道大家都未必睇到，就用部手機放返大畀我睇」、「去到Ikura最標誌性嘅arhhhhhh，呢位師兄應該參考咗香港後現代藝術家劉馬車先生嘅唱法，以低九度嘅聲音盡情嗌咗出嚟」最後更指尊重吓其他人啦。

2.舉機拍片拍足全晚

由於現場位置先到先得，要看得清楚便要早早霸位，不過場地夠大，即使站於較後位置也可看到YOASOBI。前後不是問題，反而高度和舉機拍攝就成為一眾粉絲大不滿之處。網上不少人指昨晚「超多人影足全程」，不論站於左、中、右的位置，前方總有人舉手拍片，「擋晒視線」。「舉高影其實唔係最癲，最癲你舉高之餘成個人向後，爭啲拎條鎖匙出嚟拮佢」、「舉高拍都算，本身條友仲要好高，後面完全睇唔到」、「睇前面舉機仲多過睇到個台」。