00後斥爸爸「做呢行」無鬼用 52歲買唔起樓：畢業一定要離開屋企
廣告
家長要養大一個小朋友，除了要用大量金錢外，心機都花了不少。不少人辛苦努力做幾份工，都只是為了讓家人過上最好生活，但這份愛又是否人人都會接受，都會感恩？最近有00後網民網上大呻自己家庭背景，字裡行間以嫌棄的語氣表示「父親52歲仍買唔起樓好無用」，更認為爸爸的職業不光鮮，令家人失禮，結果引起不少網民討論！
00後嫌棄爸爸職業失禮家人 嫌棄：52歲仍買唔起樓
近日，有台灣網民在Facebook群組「匿名公社」中發帖文表示：「一樣都是穿襯衫打領帶，為什麼別人的爸爸是坐辦公室的企業家，而我爸爸卻只是小黃司機（的士司機），52歲了還在讓我們租房子，等我明年大學畢業一定要脫離這個家。」在評論中更透露自己將會進軍娛樂圈：「誰跟你在坐辦公室賺那幾萬塊」。
樓主遭網民圍插：放長雙眼睇你畢業之後有幾成功
不少網民見到帖文後紛紛留言鬧爆：「呢份工少啲腰力都唔得！」、「如果不使養你，你爸爸一早存到首期買樓喇」、「我17、18歲就在賺錢貼補父母家用了 你還要等到大學畢業？」、「冇呢個司機你算啲乜嘢？」、「咁唔滿意宜家去投胎囉」、「自己去工作、租房子、外食、負擔自己所有的生活支出，你才會明白大人的辛苦」、「自己買囉，咁有大志，唔洗靠父幹，值得鼓勵，wow」、「會唔會睇娛樂圈睇得太簡單」、「仔，如果你做到醫生，做到養和醫院院長，所有問題都不是問題啦，我等緊你睇小我㗎」、「生嚿叉燒好過，所以而家無人敢生仔，廢時激心」、「是不是垃圾忘記了堆填區才是他的家？」、「無辦法，你投錯胎，你為何投胎時唔投有錢佬呢」。
關鍵詞
網絡熱話
圖片來源：《香港愛情故事》劇照、《極限逃生》劇照資料或影片來源：原文刊於Gotrip
