買黑廁好「傻豬」、買明廁先明智？　網民熱議邊種廁所好：無你哋講到咁衰！

Sep 9 2024

香港買樓不少都是「黑廁」，即是家中廁所沒有窗戶。由於土地問題，發展商近年新樓大多以「黑廁」設計，務求用盡每一寸空間。早前就有網民在討論區發文，比較買樓應該買「黑廁」定「明廁」，引來不少網民討論，分別論述黑廁、明廁優缺點，你又會如何選擇呢？

樓主：人人都唔中意「黑廁」？

有網民曾於香港討論區以「黑廁係咪真係咁差？」為題發文，想知道是否人人對「黑廁」十分抗拒。他表示，有人認為使用「黑廁」會有衛生問題，但在疫情後，不少人寧願選擇沒有窗口的廁所，減低傳播風險。帖主指「大家買樓會唔會對黑廁好抗拒？有人話黑廁用耐咗總會有陣噏味，係咪真？如果用浴室寶會唔會解決到問題？但有人又話有傳染病嘅時候，寧願廁所無窗口好似仲安全⋯⋯大家點睇？」

黑廁不少人寧願選擇沒有窗口的廁所，減低傳播風險。（圖片來源：Unsplash@Steven Ungermann） — 不少人寧願選擇沒有窗口的廁所，減低傳播風險。（圖片來源：Unsplash@Steven Ungermann）

1件電器解決黑廁最大缺點

帖文一出，引起網民熱議。有網民認為「黑廁」並沒有問題，只要安裝浴室寶、抽氣扇等，就能改善通風問題。

「黑廁都無咩嘢，keep住乾爽就可以。得閒放個殺菌機或者空氣清新機，擺一晚，都好乾淨無霉味。不過真係要自己衛生意識好先得，有無窗都會搞到好臭有異味，如果唔勤力啲自己得閒清潔下廁所！」

「黑廁無問題，不過一定要裝部勁抽氣扇，我反而覺得冬暖夏涼，沖完涼地下都好快抽乾。」
「黑廁恩物：浴室寶。」
「我會揀黑廁，一來有窗唔會開，二來窗多數開井位意義不大，仲要因為厚外墻做實用面積令室內細咗。另外，黑廁吊頂浴室寶會好過窗口式浴室寶，你將吊頂裝窗口條喉又搞唔掂㗎。」
「無窗問題不大，壞抽氣扇就大鑊，明廁都一樣死。」
「黑廁無問題，不過一定要裝部勁抽氣扇。」

黑廁只要安裝浴室寶、抽氣扇等，就能改善通風問題。（圖片來源：Unsplash@ Raquel Navalon Alvarez） — 只要安裝浴室寶、抽氣扇等，就能改善通風問題。（圖片來源：Unsplash@ Raquel Navalon Alvarez）

網民：噏味同黑廁、明廁無關！

又有人認為，不少只要做好個人衛生，保持乾爽，用「黑廁」亦無問題。更有網民坦言，自從疫情爆發，為降低傳播風險，亦不會打開廁所窗，因此「明廁」和「黑廁」並沒有太大分別。

「我住嗰度大屋苑，9成黑廁，中肺炎零星個案，反而標榜明廁嘅，中肺炎率仲高啲！
「黑廁有什麼問題？五星酒店都是黑廁啦。有電就可以解解決任何問題！」
「有噏味嘅人，用明廁都會有噏味，衛生習慣影響較大。」
「經過疫情，𠵱家覺得黑廁絕對無問題啦！過去一年屋企個廁所窗門都無打開過，長開抽氣扇絕對乾爽無味。」
「酒店全部黑廁，一樣咁多人住。」

「老實講好多酒店，商場都係黑廁。其實有無味視乎你自己，你「開大」緊係有啲味，去完開門咪得，呢啲味好快散。住嗰度潮濕咪裝抽濕機、浴室寶。我試過外國租屋，嗰度3房1廁，係黑廁，咩都無裝，去完廁所打開門，唔覺有咩問題，無咩味。我諗通常人地講啲味多數係噏味，你處理好潮濕，基本唔會有問題。」

黑廁自從疫情爆發，為降低傳播風險，亦不會打開廁所窗。（圖片來源：Unsplash@Steven Ungermann ） — 自從疫情爆發，為降低傳播風險，亦不會打開廁所窗。（圖片來源：Unsplash@Steven Ungermann ）

黑廁無好處買明廁＝明智！

雖然有網民認為「黑廁」並無問題，但有人卻表明一定不會買「黑廁」，認為就算有浴室寶、抽氣扇補救，「黑廁」長期無窗、無陽光，長久而言仍會有衛生問題，更有人直指從「黑廁得到好處的，只有地產商」。

「之前對咗黑廁5年，一唔開抽氣就有味又濕，而家換咗樓變明厠無問題。」
「一般黑廁單位，間屋都無對流，啲味好難散。刷完牙整間屋都有牙膏味！」
「梗係差啦！都散唔到啲臭味。」
「黑廁要長期用電開抽氣，非常不環保。」
「明廁好啲，日日已經屈住做嘢，都無咩見天日，返屋企仲要係黑廁，仲憂鬱！」
「買明廁，才明智。掠衫都快些乾。多個窗，多對流風，住得爽些。」
「雖然好多人話浴室寶可以補救，但租過黑廁樓嘅親身經驗都唔係太好，無陽光，久而久之，一陣霉味應該對健康唔好。」

黑廁「黑廁」長期無窗、無陽光，長久而言仍會有衛生問題。（圖片來源：Unsplash@Point3D Commercial Imaging Ltd.） — 「黑廁」長期無窗、無陽光，長久而言仍會有衛生問題。（圖片來源：Unsplash@Point3D Commercial Imaging Ltd.）

網民：有得揀開窗閂窗先最好

有網民坦言，即使能夠接受「黑廁」的缺點，買樓的時候若揀有「明廁」的單位，至少能夠有選擇開窗及不開窗的自由。

「明廁有得㨂開窗定唔開窗，同抽氣喉會短啲，但黑厠就冇得㨂。」
「黑廁=無窗=無通風、照明。『無窗的廁所』，由於欠缺自然通風及照明，長時間開抽風機，濕氣、蒸氣及臭氣，亦只能靠一部抽風機抽出，感覺侷促。」
「梗係有窗好過無窗啦！廁所咁潮濕，連公屋單位都會有窗啦！」
「做人最緊要係有得揀。怕開窗咪閂窗開浴室寶囉，鍾意鮮風嘅咪開窗囉，但黑廁就無呢個選擇。」
「我諗買個單位是明廁，總會比黑廁好呢。因為無咩人會介意廁所有窗，但有些人會介意廁所無窗。雖然你唔介意黑廁，但如果你另一半介意，到最後都係好大機會揀明廁。所以，揀明廁應該明智啲！」

黑廁買樓的時候若揀有「明廁」的單位，至少能夠有選擇開窗及不開窗的自由。。（圖片來源：Pexels@Victoria Rain） — 買樓的時候若揀有「明廁」的單位，至少能夠有選擇開窗及不開窗的自由。。（圖片來源：Pexels@Victoria Rain）

除咗廁所買樓好多細節位！

無論是選擇「明廁」或者「黑廁」，有網民則認為買樓或租樓的時候應考慮各種因素，廁所只是其中一項，最緊要單位「啱自己心水」。

「其實真係不能單單以明廁、黑廁去睇咁簡單。撇除了樓價之外，都要睇開則/座向是否符合自己心水，斷唔可能因為一個明廁，就要揀一個完全唔合自己心水既長居之地，始終黑廁係絕對可以接受的。但如果站在條件相同的角度上，明廁肯定會較有優勢，至於價錢，畀人感覺上亦會比較企得硬。」

「新樓開黑廁係要賺盡每一個位，但自己都要睇住荷包負擔能力。擾效就真係睇當時環境，不過好似暫時都未有明確證據。其實黑廁係絕對可以接受，只要買家唔介意就無問題。不過你問明廁定黑廁好，都係嗰句，如果有得畀你揀，你會點揀？答案就在其中。」
「香港人其實好悲哀，買過千萬嘅樓而家連廁所都無窗，主人房都無得兩邊落床。」