「搭香港的士2大舉動唔做得?」 內地女咁做即被司機怒罵：你搭唔起！
廣告
香港的士服務質素經常受到批評，拒載、兜路、態度問題一直存在。然而日前有內地遊客於社交平台分享在港搭的士經歷，因上的士後做了2行為，即被司機怒罵及嘲諷，引起了港陸網民熱議！
「搭香港的士2大舉動唔做得?」 內地女咁做即被司機怒罵
該內地女表示當時與兩位朋友從旺角的一家酒店出發，前往西九龍高鐵站。由於一行3人，因此她坐在副駕駛座，而兩位朋友則坐在後座。她回憶道，當車輛經過天橋時，她看到前方交通堵塞，便開啟導航查看所需時間。豈料該行為引起司機的不滿：「搭嗰幾廿蚊的士，仲要懷疑司機兜路」
女遊客解釋說沒有質疑司機繞路，只是想知道還需多久才能到達目的地。然而，司機的責罵越來越嚴重：「你哋啲內地人搭的士，你知唔知我哋香港的士司機，最憎你哋坐車頭，好好睇咩風景？我租畀你啦，一千蚊一個鐘，揸飽佢啦！」
的士司機與內地女對罵：係你哋有問題呀！
女事主不滿反駁：「咁之後有人坐你車頭，你可以拒絕㗎！」對方繼續表達不滿：「後面無位畀你坐咩？係要坐車頭做咩啫？係咪好鍾意玩揸車？睇咩風景啫？好好睇咩香港啲風景？」
事主斥「人哋坐上嚟之前你無講喎，你可以同人講你唔好坐車頭，你唔鍾意人哋坐車頭你可以講㗎！你今日心情唔好，唔好搵啲乘客出氣好冇？」司機反擊說到：「係你哋有問題呀！」
現場氣氛極為尷尬，到達目的地後前排乘客默默支付，而司機就串爆表示「找錢呀嘛，你搭唔起㗎」，見到3位內地乘客下車後，司機居然繼續鬧爆：「我租畀你啦，一千蚊個鐘呀，玩揸車啦！」
點擊看影片
的士司機行為惹網民不滿：扣佢分啦！
這段長達1分23秒的影片在網上引起討論，不少網友對司機的態度表示不滿：「扣佢分啦！佢就知錯」、「呢個司機真係影衰香港」、「睇導航，無得混路行，收少左，當然發火」、「唔坐得前座？唔睇得導航？咩原因？我係後座都成日睇住，check住啦！身為司機揸好你手車就得啦！」、「Uber啦。」、「係香港坐的士要受氣架。」甚至有不少內地網民好奇：「在香港坐的士真的不能開導航和坐副駕嗎？」
圖片來源：抖音
