金像獎2025｜網瘋傳MC張天賦賭輸30萬 認小賭怡情：好似打麻雀咁有來有往
廣告
《第43屆香港電影金像獎》昨晚（27日）於香港文化中心大劇院順利舉行，作為電影業界一年一度嘅盛事，唔少演員都落足心機盛裝出席，其中香港男歌手MC張天賦就以一身白馬王子造型登場。不過，近日有YouTube頻道大爆有男歌手因爛賭而一晚輸30萬，矛頭直指MC是當事人。針對傳言，MC就在走紅地氈時作出回應。
YouTuber大爆香港男歌手爛賭
早前香港YouTuber渾水（黃兆祺）以「男歌手爛賭一晚輸30萬」為題發佈影片，與港撲克玩家協會創始人Stephen Lai對談期間，Stephen大爆某位知名香港男歌手在一局啤牌賭博中輸30多萬：「有一個好出名嘅歌手，靚靚仔仔又青靚白淨嘅，身材唔係好高大嘅。（開名㗎嘞喎，我都知係邊個呀，佢都推好大喎，可以輸30幾萬一Round）」，相關內容引起不少網民熱烈討論，猜測當事人正是男歌手MC張天賦。
在 Instagram 查看這則貼文
MC張天賦回應賭博傳聞
MC張天賦昨晚（27日）出席金像獎頒獎禮，走紅地氈親自對傳聞作出回應：
「唔好聽聞啦，佢擺明話我。我私下係有同朋友玩，不過數目一定無講到咁大。（交幾多學費？）呢啲嘢好似打麻雀咁，有來有往，如果得往我就唔會玩，娛樂性質咁玩，但我唔介意人哋話我玩得差。」
圖片來源：IG@muddydirtywater、IG@madamefigarohk
