港女搭飛機遇極品男「躺平」 用餐時間惡意挨後遭倒濕成條褲

港女搭飛機遇極品男

事主在Threads上分享這段不愉快經歷，當日她登機後，坐在她前面的乘客突然把座位調到最後，令她幾乎沒有足夠的活動空間可以活動，但儘管如此，她最初選擇忽略這位無品乘客的行為，打算待在座位上休息睡覺等落機。其後當空姐開始派飛機餐時，該名無品乘客又要空姐「三催四請」才肯把座位調整回正常位置，然而用餐時他突然間把椅背調到最後，意外倒瀉事主的茶，全部淋在她的雙腳，「好彩唔係熱茶，滾水嘅話我對腳應該熟咗」。

事主終於忍無可忍，伸手拍打該名無品乘客的膊頭，要他把椅背調至正常位置，但他「扮聽唔到」，甚至後來連多名空姐多次提醒都「繼續扮聽唔到」。結果無可奈何下，事主和友人被調到前方空位才平息事件。最後該名無品乘客僅被口頭警告，事主不禁感嘆「Blacklist呀嘛！呢個世界上cls嘅人實在太多，成世人總會遇上一兩個…」

網民各出奇招教反擊

帖文發佈後隨即引起網民熱烈討論，不少人怒斥該名無品乘客「好賤囉，較櫈都睇吓後面先較丫，仲要係食飯時間」、「挨後唔緊要，唔該派餐食野嘅時候唔好挨後」、「一嘢chok落嚟，無家教」、「呢啲人格好衰」；另外，有不少網民就教事主如何反擊「一野打開張枱，一巴掌冚落張枱下便，不停冚冚到落機」、「問空姐拎杯室溫水，拎住杯水企起身，個位太窄過唔到撠親，唔小心倒咗杯水落佢個頭，誠懇地不停講對唔住、抱歉等」、「扮聽唔到一直踢同搖佢張櫈同佢鬥玩，同佢講咁撚鐘意瞓返去瞓棺材，到時可以長眠」、「俾我就直接用杯茶幫佢洗頭，記得倒完即刻講唔好意思唔小心整到佢，等佢想話你襲擊佢都唔得」、「倒茶落佢度啦，唔好意思太窄出黎個陣倒瀉左喎」、「不停出入去廁所拉佢張椅」、「我會係咁摷書同埋係咁玩張枱」。