老闆下令打風帶電腦在家工作 GenZ同事稱1原因拒絕WFH
廣告
熱帶風暴桃芝在今日（14/11）上午10：20由8號風球，改為3號風球，令不少打工仔都要急急腳回公司。有打工仔在網上討論區發文分享，其老闆早於昨日（13日）便要求一眾員工要帶電腦回家準備Work from Home（在家工作），不過有名年輕員工就堅拒履行老闆決定。帖文引起網上熱烈討論，網民反應兩極。
老闆要求打風帶電腦WFH
該名打工仔表示，昨日（13/11）下班前，老闆要求員工「攞定電腦WFH」，然而就有一位Gen Z堅決向老闆表示：「我住村屋，打風會上唔到網，做唔到嘢」更以這個理由拒絕帶電腦回家，令老闆好奇問到：「咁你上一份工點WFH，同埋你真係以為風假係放假？」，而對方解釋表示這是自己的第一份工，因此從來沒有試過WFH，還表示：「同埋我都上唔到網用唔到server，都唔係我想架，定你幫我問下HKT可以點樣喺打風情況下上到網做嘢呀？真心求指教！」最好老闆激氣表示：「你真係以為風假係放假？你自己諗辦法！」
事主最後透露這位「Gen Z」同事真的沒有帶走電腦，讓他震驚：「第一次現場直擊Gen Z整頓職場！係型嘅！」
網民反應兩極
這篇帖文引起了網民的熱烈討論，不過大家對於這位「Gen Z」同事的行為意見兩極，有人認為此舉動非常不負責任：「其實而家拎電腦or 用電話盡量remain responsive 都係一份責任」、「呢啲唔係整頓職場，係搞亂公司文化同秩序要嚴肅處理」、「你收咗人錢就要做嘢」、「個風咁弱唔一定會大風大雨，但佢已懶定先咁唔識做，咪唔升佢等佢自然淘汰」
不過亦有人支持「Gen Z」同事的做法，認為是公司的問題：「公司有責任提供工作環境，員工提出困難，公司就要解決㗎啦，解決唔到就唔關員工事啦」、「真心respect，外國係公司比埋上網費」、「呢個世代點解仲會甘心為人打工佔你人生咁多時間」、「無wfh既公司憑咩叫人打風嗰陣wfh」
圖片來源：香港天文台
