麻煩客講價不成威脅要報警 警察到場咁處理 原來係1類常客
廣告
近日有時裝店店員在Threads上分享指，有位顧客走入店鋪睇衫，揀選了3件衣服想結帳時卻想乘機講價，惟店員堅持公司原則無法給予優惠，結果該名顧客發難表示自己從事過批發，非常清楚一件衣服的成本價格，認為店員只肯以原價販售是「呃錢」，威脅報警處理。該名店員昨晚更新帖文，分享故事後續。
顧客威脅報警
該名顧客威脅報警，「我報警，睇你點死，驚唔驚？」而店員就禮貌地回應解釋，他們之間只是一場簡單的交易，並沒有強迫購買；惟顧客仍然覺得店員存心欺騙、有意以高價販售衣服騙取金錢，並再次強調自己曾從事過批發，非常清楚相關業者的行徑。
此時，店員也無奈地建議，「唔緊要，如果你真係覺得我呃你，你可以再行下先」，但顧客非常堅持要買衣服，亦堅持要店家給予優惠價。店員最終無可奈何，請顧客先離開店舖再打電話報警。
警察介入 最終咁解決
大約10分鐘後警察到達現場，試圖了解情況。顧客直指：「你同我告佢，佢呃我錢」，但當警察詢問具體情況後發現，店員並未收取任何費用，「咁客人呀，人地都冇收你錢，呃你咩錢」，但顧客就堅持因為批發價便宜的關係，店內衣服根本不值得該定價。警察唯有勸告顧客不要阻礙店家正常營業：「咁人地唔係呃你喎小姐，人地都係做生意仔，你又冇俾錢人，不如你就唔好阻住人做生意啦。」
但顧客仍然堅持己見，就算買不到衣服也想阻礙店家做生意；此時警察就表示，如果他要阻礙店家，那就需要請她一同到警署：「嗱！人地就冇收過你錢 亦冇騷擾你 而家係你騷擾人而且阻人做生意 .小姐 你係唔係想跟我返警局？」
最終顧客接受警察建議，自行離開。警察事後向店員透露，該名顧客是「常客」，經常無理刁難區內不同店舖。
早霸王講述事件
此事甚至被903主持梁嘉琪在電台節目《早霸王》分享，森美表示，自己都留意到有些店舖會把價錢牌放在衣履深處，通常要經過幾重摸索才能找到小小的一張價錢牌，特別是價錢非常昂貴的款式；其後主持梁嘉琪繼續敘述事件，當提及到該顧客自稱從事過批發及要求察看入貨單，森美就直言「佢講得出『要睇入貨單』呢句，都知道佢唔正常啦！」
圖片來源：Threads@ivon_yy
