港人狂嘲銅鑼灣落後比唔上深圳　數5大原因輸大陸幾條街：十幾年冇去啦

Sep 5 2023

有港人北上成癮，就連打8號風球都急不及待要衝上深圳，亦有居港媽媽表示自己同兒子在香港$1都不會花費，令人詫異。而現時每到週末，社交平台上都會有人分享人頭湧湧的過關照片，更指消費水平相對香港低，因此大家都能盡情吃喝玩樂。現時已有不少網民在各群組分享內地好去處、交換心得。近日，Facebook群組「深圳大灣區國內吃喝玩樂開心分享區」中更有一帖文指「一個月去深圳嘅次數多過去銅鑼灣#我愛北上」，帖文一出即引起網民共鳴，不少港人更留言力數銅鑼灣不及深圳好的5大原因，直言：「拍馬都追唔上！」、「已經十幾年冇去過銅鑼灣」。

銅鑼灣深圳港人北上不少香港人認為去深圳好過去銅鑼灣。 — 不少香港人認為去深圳好過去銅鑼灣。（圖片來源：Unsplash@Nicole Ho ）

1.車費貴

不少網民認為車費貴是其中一條死罪，不少居住在新界的民眾認為去深圳的車費比去銅鑼灣便宜，因此不會考慮去銅鑼灣：「其實住大西北嗰啲大多數都係咁㗎啦，有個笑話出旺角嘅車費仲貴X過返大陸嘅車費，咁仲點會出九龍」、「我係沙田長者，兩蚊巴士去到蓮塘口岸，深圳地鐵免費，開關之後已經唔知去咗幾多次深圳，銅鑼灣、旺角、十幾年冇去過」、「住屯門, 上深圳車費仲平過我出旺角」。

2.去深圳仲快過去銅鑼灣

雖然大家都說香港的地方細，不過一些車程卻長到的人驚，分分鐘要兩個小時以上才會到達目的地，因此有網民表示：「依家愈來愈人住新界，上深圳本身已經比出尖沙咀快。」、「我住屯門，30分鐘到落馬州」、「由屋企出發，35分鐘過晒關。」

3.深圳服務好過銅鑼灣多多聲，有返消費者的尊嚴

不少香港人認為香港的服務態度就是「沒有服務態度」，因此網民直言難以接受貼錢買難受的感覺：「叫深圳服務員拎牙簽，都雙手拎俾你」、「重要嘅係有返消費者嘅尊嚴」、「大陸日日都進步，香港服務態度又差啲嘢又貴！」、「去銅鑼灣睇啲白鴿眼面色咩？」。

銅鑼灣深圳港人北上網民嫌棄香港服務態度差，與深圳的態度差天共地。 — 網民嫌棄香港服務態度差，與深圳的態度差天共地。（圖片來源：《天國餐廳》劇照）

4.銅鑼灣店舖選擇單一

帖文中有不少網民認為銅鑼灣店舖選擇單一，缺乏引吸力：「我諗到好多嘢想上深圳食，但我諗唔到去銅鑼灣有咩想食」、「香港好悶，冇嘢好食，商場個個都一樣」、「銅鑼灣都冇水煮魚食，又冇雞煲，又冇牛蛙」、「國內鋪頭好多嘢都有好有心思，例如食物、商場、景點、配套，唔會墨守成規。無論係商場或者食物嘅餐單仲有環境有好多新嘅idea」、「整體體驗真係好重要，例如服務、環境、整個消費氛圍，深圳真係令人好亢奮！」

銅鑼灣深圳港人北上深圳有「蛋糕界愛馬仕」 — 深圳有「蛋糕界愛馬仕」（圖片來源：小紅書@Angela）

5.消費貴

相信香港消費水平高是大家都知道的事，一班網民認為在銅鑼灣消費相當不乏算：「銅鑼灣食嘢貴，行到攰想坐底飲杯嘢又貴又限時。」、「銅鑼灣夜晚食韓燒平均消費$450 一個人，同朋友食完一次已經唔會再想約人夜晚出去食飯」，更指對於早前有人表示「我一蚊都唔想使喺香港」十分認同，指自己在港使費亦是可免則免，通關後只會在內地花費。