女生做手術被整斷神經線致聲帶癱瘓 後遺症頻現醫生當笑話：好彩你唔係老師
一個小手術影響一生
上周日（30/7）無綫（TVB）資訊節目《東張西望》訪問了從事傳媒行業的陳小姐：去年12月陳小姐發現甲狀腺有非良性結節，由於家人都有甲狀腺方面的問題，於是就向陳小姐推薦曾經光顧過，於尖沙咀美麗華廣場某醫療中心的的陳醫生。經陳醫生檢查，陳小姐被告知該問題甚至有患上癌症的風險！如不想為此感到擔憂，可以考慮切除半邊甲狀腺。陳醫生強調這是個非常簡單的手術，直言：「第二日就可以出院」。
一聽到要做手術，就算有多簡單難免都會擔心有風險以及後遺症出現，而陳醫生就表示：「冇啊，頂多聲沙一個禮拜」。聽醫生建議後，陳小姐就決定做切除右邊半邊甲狀腺的手術。然而，陳醫生在手術完結後，居然向陳小姐的父親說到：「整甲狀腺出嚟，止血嘅時候發現整斷咗聲帶⋯⋯都好大件事⋯⋯呢件事情就應該係第一次⋯⋯我都好抱歉。你放心，總之我一定用我可以有嘅所有資源幫阿女康復，我唔係一個唔負責任嘅醫生⋯⋯」更向陳父強調：「我唔會行開咗。」
聲帶神經線被整斷 開聲講嘢成為難題
翌日，陳醫生向陳小姐解釋，手術時整斷的聲帶神經線已接駁回，預計半年內會康復。當時陳醫生說了一句話，令陳小姐不能釋懷：「當時佢問我做咩職業，我話做媒體、做編輯，佢就話『好彩你唔係做老師或者歌手』，佢都已經搞到我咁樣，仲要講啲咁嘅嘢，基本上我日日都要開會，同埋要出去採訪，同人溝通，我呢半年內都做唔到，會擔心失業！」在訪問期間陳小姐不時需要暫停休息，並透露：「講嘢keep住係氣聲，發音方面係超級困難，同埋講一句就要抖氣，大聲啲都會扯住痛，要keep住按摩放鬆啲！」
頻繁入院覆診 主診醫生回覆涼薄話：你咪當信用卡儲積分先囉
原本手術翌日即可出院，豈料因手術失誤導致她要留院三日，而術後一個星期手術傷口居然變得又紅又腫，陳醫生懷疑是傷口含膿，須再做緊急手術，但竟要自行付費做完CT才能入院，此時陳醫生居然表示：「你咪當信用卡儲積分先囉」，陳小姐聞言當場情緒失控激動痛哭，不解表示：「有邊個會當入醫院係儲積分！？ 」
隨後，陳小姐經陳醫生再轉介下，到手術時為她駁聲帶的耳鼻喉科吳醫生處覆診，經了解才知道自己是右側聲帶癱瘓，病情比想像中還要嚴重，吳醫生表示：「神經線斷咗，就算駁翻都唔會郁得返。」
醫生反口 疑有走數之嫌？
現時陳小姐除了要不斷做手術治療，還需長期接受言語治療及另找中醫調理身體。陳醫生曾表示會承包相關的醫療費用，包括在吳醫生覆診的費用，以及因病假而被扣除的人工，而條件就是：「唔好同出面啲人講，如果唔係我哋公司會嘈。」但當他得悉涉及的金額高達港幣24萬時，又反口表示會把事件轉交公司處理。及後接受節目組的電話訪問時，他透露已經交由保險公司接手不方便透露，並就強調在術前已經向陳小姐講明手術有機會造成聲帶問題的風險。
