網民批Omakase「水魚先食」講錯1事遭網民圍攻：連呢個字點解都未知！
廣告
日本菜一向都是港人喜愛的菜式之一，除了基本的壽司魚生外，近年亦興起食Omakase，意指沒有明確餐點可供食客選擇，有咩食全由廚師發板。雖然提供Omakase的食肆一般收費唔平，但仍然無阻大批食客搶住幫襯，部分熱門餐廳的預約更已經排到下年。早前，有網民就發文直指不解為何這麼多人食Omakase，揚言「食Omakase嘅真係白痴」，更在文中疑似因為講錯1事而被網民圍攻！
網民批評Omakase唔抵食 只有水魚先幫襯？
不少港人近年都鍾情食Omakase，惟大部分主打廚師發板的餐廳收費一般都較高昂，因而總會有人認為付如此高價食日本嘢「唔抵」。早前，一位港男就在討論區上以「對唔住，食Omakase嘅真係白痴」為題發文，文中不斷批評Omakase唔抵食，「過千蚊位，成餐飯任佢派發食物畀你」，又質疑「尋日雪櫃有冇賣唔去嘅野先？日日新鮮空運到？由機場落貨送到去尖咀，分分鐘已經夠時間來回香港日本兩三次」，又斥「最緊要係唔好挑戰Omakase嘅師傅，畀屎你食都係日本精神」，最後更形容Omakase為「明劏水魚嘅『日本菜』」。
講錯1事遭圍攻 Omakase本意原來咁解
發文者在連番發言怒斥Omakase的文化及做法後，亦明確表達自己的意見指自己對港人熱愛食Omakase感到不解，更揚言「連日本人都唔明白」。發文引來網民熱議，有熟知日本文化的網民就留言為眾人解惑，直指發文者疑似不理解其他Omakase與香港Omakase的分別，又反擊發文者「日本人都唔明」的指控，揚言「日本Omakase普遍程度去到一條街都隨時有幾間」、「本身Omakase呢個字係日文『信任』咁解」、「90年代好多餐廳同熟客嘅關係好好，客又信得過廚師，所以就將成餐飯交比廚師發板」。
網民意見各異 鬧爆食客俾錢買虛榮感
發文者的見解引來大批網民爭議，不少網民的意見各異，有網民表示「香港嗰啲貴到好離地」、「個別有幾間搵日本師傅過江龍搞下gimmick收貴d」、「香港人洗錢係食方面世界級」，亦有網民認為食Omakase的風氣無疑是「俾錢買虛榮感」。不過，有網民就認為「食得起又鍾意食有咩問題」、「人地食自己嘅關你咩事」。
圖片來源：XHS
