輕鐵大媽怒斥乘客車廂內飲食 隔籬學生哥1舉動成焦點 獲大讚「高EQ」
廣告
近日社交平台Threads上流傳一段影片，片中顯示在輕鐵上有名大媽對著另一名疑似在車廂內飲食的乘客怒吼，要求對方立刻停止並「吐返出嚟」，事件引起網民熱烈討論，不過有不少網民反被一旁男學生吸引目光，大讚他的應對手法「高IQ」！
大媽怒斥乘客車廂內飲食
有網民在Threads上分享影片，片中可見，被其他乘客阻擋著的大媽指著一名乘客大聲斥責，質疑他在車廂內飲食「你快啲吐返出嚟啊！唔好再食啊！」未幾就有港鐵職員到場調停「冷靜啲，（閉路電視CCTV）錄低咗㗎喇，OK喇」，惟大媽未因而停止並繼續高聲喝罵，指責對方不守規矩，「佢唔守規矩，真係有食㗎，你（港鐵職員）睇下！已經無守到規矩，仲要咁耐先肯𦧲返出嚟，車廂不准飲食㗎嘛，佢無守到規矩」，而爭吵亦令列車停駛未能按時開出。
馬上睇片
網民大讚男學生「高EQ」
不過，大媽的怒吼並未得到預期的效果，相反一旁的男學生卻成為了網上焦點，不少網民都大讚他的應對手法「這學生哥超有趣嘅高情商，進入另一個境界」、隔籬個ching勁chill咩料」、「個中學生上咗太空？」、「我都錯咗重點去咗個學生哥度，隔籬嘈緊，佢呢面嘅世界好平靜，仲有啲自在」、「隔籬位師兄好high囉，勁好笑」、「咁就係點解你需要1個主動降噪耳機」。
男學生事後亦有帖文留言，透露自己當時正在聆聽香港歌手Young Hysan的《Favorite》，這一細節更是增加了這段爭執的趣味性。
圖片來源：Threads@1212_hsw
