港男買衫竟被串嘴店員搶衫 「趕客」狂罵：35蚊咁平都要睇，黐線㗎？

購衣遭遇不快

該名港男於週六（14日）在Facebook群組「香港突發事故報料區及討論區」發佈影片，表示自己日前在深水埗福華街的一個路邊攤檔買衣服，挑選了3件衣服後準備付款時，他反轉衣服細心查看衣服質地的狀態，結果隨即有名店員衝上前搶回衣服，更發難表示「我啲衫全部爛嘅，你唔好買呀！」、「30幾蚊件衫都要check？ 黐線㗎？三十⋯⋯」。

港男在帖文中透露，原本只是想確保所買的衣服沒有破損，結果卻被店員揶揄「35蚊件衫啊，仲逐個線步逐個線步睇下有無爛啊，咁平嘅嘢都仲要睇得咁清楚啊！影住佢啊」，深感不滿的港男馬上反嗆「好啊，多謝你啊，35蚊唔係錢嚟嘅？」。他其後補充表示，之後在另一間路邊攤檔找到相同的衣服，並以更實惠的價格買到衣服「好彩冇買到！」。

馬上睇片

網民熱議與反思

影片發佈後隨即引起網上熱烈討論，不少批評該店員行為「趕客」，並指出即使是低價商品，消費者也應有權利檢查其質量「平唔可以check？」、「去街市買$10菜都睇下有冇爛同食唔食得啦！收X啦檔主」、「咁嘅態度仲買咩，叫佢食X啦」、「加速去淘寶買衫速度咁佢搞死自己」、「作為消費者有權檢查貨品有否損壞再決定是否要買，作為實體店檔主唔畀人檢查一律建議唔好做生意，執X咗佢」、「真金不怕紅爐火，真靚怕咩check」、「香港好客之道？」、「其實呢類檔主見得多，以為自己啲嘢賣得平，check多兩眼就起晒槓，我一定走，唔會幫襯！」、「咁反應應該真係賣爛衫」。