加煙草稅$100一包！煙民父親要求家人「加家用」 網民教路咁回應

「阿爸叫我加家用」

該網民透露，爸爸在得知財政預算案的消息後，立刻在家庭WhatsApp群組中發出訊息，要求家人做好準備加家用的決定。他接著解釋：「嚟緊食煙要$100包呀！」

阿媽成日都叫佢戒煙，但佢話真係戒唔到，戒到既一早戒咗啦。同埋因為我阿爸嘅阿哥，當年戒完煙兩年就發現肺癌，佢自己都睇開咗，覺得有時有啲嘢係整定，所以都叫我地體諒下佢。不過講返煙草稅⋯⋯100蚊包⋯⋯有啲人一日一包煙過日晨嘅都幾金⋯⋯

網民熱議：減少家用促進戒煙

這篇帖文一經發出，便引起了網民的熱烈討論。不少人留言建議事主應該繼續勸說爸爸戒煙，並指出不應該因為煙草稅的上調而增加家用「係孝順嘅就勸佢戒煙」、「多做身體檢查，早點發現有得醫」更有人建議可用戒煙來作加家用的誘因：「佢戒就多一倍家用都得」