觀塘2青年疑搭「霸王的」 到埗1招極速走數逃離的士 司機鬧爆：有晒錄影㗎！

事件詳情回顧

近日有網民在Facebook群組「車cam L（香港群組）」分享這段影片，片中車Cam見到，事發於上周四（9日）早上約10點43分，有2名年輕男子搭乘的士，並排坐在後座，的士駛至目的地後，二人趁著司機停車並按停收費錶的瞬間，隨即推開車門迅速從左右側逃離車廂，懷疑「走數」坐「霸王的」。

的士司機回頭見狀被嚇到，過了1至2秒後才反應過來，他隨即落車，眼見二人已經逃離遠處便怒喊「你哋唔使走，有錄晒影㗎」、「死X仔，有你個樣㗎啦」、「你老X，日光日白，你兩個…」。

馬上睇片

網民怒斥涉事青年：衰過乞兒

影片發佈後隨即引來網民怒罵，強烈譴責2名後生仔的行為「衰過乞兒」、「男人老狗的士錢都唔夠俾，就行路搭巴士」、「霸王硬開門」、「司機仲㩒停個錶，一擰轉頭已經走晒」、「一定唔係第一次」、「衰過乞兒」、「折墮」、「應該放埋2條X樣個正面樣出嚟」、「好趕時間咩，搭巴士都得啦，做埋啲戇X嘢」、「男人老狗的士錢都唔夠俾，就行路搭巴士」、「天眼實睇到」、「為嗰少少錢留案底，值得咩」、「阿伯錢都呃，因住（有）報應」。

留言區中就有人貼出事件前傳，指出當時有3名後生仔登上的士，目的地是前往觀塘安達邨的士站，期間到達某處後有名男生先行下車，隨後到達安達邨就發生「走數」事件。

法律條文與後果

根據香港法例第374D章《道路交通（公共服務車輛）規例》第48條「有關車費的罪行」，任何人不得明知或有理由相信自己無能力繳付的士合法車費，並意圖逃避繳付合法車費而租用的士；不誠實地設法逃避繳付合法車費；沒有或拒絕繳付的士車費後，又拒絕向司機報出他的姓名及地址，或報出虛假姓名或虛假地址，或屬意圖欺詐。一經定罪可被處罰款5,000元和監禁6個月。