拜山夫妻大鬧葵涌靈灰閣 因1事怒罵清潔工 囂張威脅：我以後唔要再見到佢！
葵涌男女拜祭先人大罵清潔工
樓主在Threads上發文分享事件，上周六（19日）和家人到葵涌火葬場的靈灰安置所拜祭先人，期間目睹一對中年男女對著1名年約70歲的清潔婆婆破口大罵。據樓主描述，該對男女拜祭完一位先人後，未有把祭台上的物品清理就去了火葬場內其他地方，之後返回該處時發現祭台上的全部食物和飲品都被清潔工清理掉，隨即大發雷霆指罵清潔婆婆：「（罵她）點解唔擺多陣先清潔個祭台，鬧話仲有幾個鐘先收工，點解咁快要清？」，甚至威嚇她「你而家對唔住係先人唔係我，你小心啲，你安唔安樂啊？」
揚言要報東張：我以後唔想見到呢個人喺呢度出現！
該對男女其後更揚言要報東張西望投訴清潔婆婆，勢要令她被解僱：「報警冇咩用，我而家係要報東張」，放下狠話說：「總之我以後唔想見到呢個人喺呢度出現」。未幾就有3名估計為該靈灰安置所的食環署職員到場，但仍被該對男女「鬧足一個鐘」，其後更威逼食環署職員交出清潔婆婆的個人資料，「方便佢之後報東張」。
樓主發文批評：下下用報東張嚟威脅人
樓主在文末透露，清潔婆婆是等到該對男女離開良久才開始清潔該處祭品，「講真，你人行開晒，真係鬼先知你拜完未咩？」，並批評表示該對男女大吵大鬧足足一小時「搞到我哋成層嘅人都唔係好敢講嘢，心裏面不禁會諗，究竟係邊個打擾先人同拜祭者既安寧？」。樓主又指，最「睇唔過眼」是該對男女「下下用報東張嚟威脅人，仲要擺先人上枱，勁唔合理」，呼籲東張西望「唔好做壞手勢，畀無理取鬧嘅人攞嚟利用」。樓主感慨，在火葬場內真正照顧先人的是場內的清潔工友，「我哋啲孝子賢孫都係春秋二祭先過吓嚟」，狠批該對男女「清明時節難為墳場清潔工」，擔心該名清潔婆婆會因此「俾人炒」。
網民怒斥行為過分：真係失禮死人
帖文發佈後隨即引起網民熱烈討論，不少人怒斥該對男女行為過分，亦有人鼓勵樓主主向政府部門或媒體反映事件，避免清潔婆婆被無理投訴而被解僱。
批評涉事男女的無理行為
不少網民批評該對男女在靈灰閣大吵大鬧，認為此舉不尊重先人及環境：「真正失禮死人」、「先人『見』到呢個塲面 真係唔慌唔東張西望。」、「喺度嘈嘈嘈，因住其他先人跟佢返屋企」
對清潔婆婆表示同情
網民對受影響的清潔工人及職員表示同情，認為他們無辜受牽連：「只係可憐D職員已經被罵一小時，但係我信因果」、「欺負老人家，不知所謂！」、「佢當自己係邊個，唔俾個清潔工人係度？」、「婆婆份工凍過冰山」
譴責涉事男女囂張的言論
有不少網民就揶揄涉事男女：「記得報東張仲要出鏡呀，等大家認住你」、「報東張話佢嘈住你拜山兼虐老歧視清潔工，咁加埋佢又報東張，咁就有noise嘞」、「報呀，報完俾全港人知佢蝦阿婆」
網民建議樓主主動反映事件
有網民鼓勵樓主向政府部門及《東張西望》講述事件，避免清潔婆婆被無理投訴而被解僱，「寫返時地人，撐返清潔姐姐」、「如果佢真係報左東張，希望樓主都去東張講番個事實…駛唔駛咁鬧人唔駛本先」；而樓主事後回覆表示：「我報咗1823，希望個清潔工婆婆唔好因為咁樣既無理取鬧，而要孭鑊或者畀人炒魷魚啦。」
