港人嫌男人Cosplay入迪士尼玩萬聖節好眼冤　其中1句激嬲網民：有乜問題

港人萬聖節見人打扮感眼冤 開聲嫌棄：唔想再見到

萬聖節將到，香港迪士尼樂園都有呼應萬聖節主題，入園玩的遊客更會在此時悉心打扮，配合氣氛。惟有港人近日卻在Facebook群組「我真係好鍾意迪士尼資訊分享群」指，「希望過咗Halloween男扮女，拉高到見到打底褲，同我要出發啦嘅Post可以停啦」。

網民見到即嬲爆：打扮吓都要畀你鬧？

言論一出，網民即留言鬧爆，指「你自己覺得眼冤咪唔好睇囉」、「玩者，有咩問題唔合你眼咪唔睇囉，一年一次ok，如果日日著就話者」、「如果唔想睇建議你可以係Halloween期間退一退群先，無人逼你睇的」、「扮公主咁拎起條裙，條褲都好正常，就係知條裙唔夠長先着短褲，唔係為防走光」、「我D小朋友同佢哋影完相不知幾開心，你唔鍾意唔代表可以話人」、「萬聖節唔玩幾時玩，思想咁封建，你唔啱嚟呢度」、「我撐男士無問題，點解唔著得」。

「女扮男就得？男扮女就罪？」

而最令大家不滿的，是樓主所講「男扮女」的一句，有人指「其實男人會咁enjoy & 投入係迪士尼玩真係好難得，仲要係小朋友都享受先係最重要。尊重樓主有自由對童話國度保持既定印象，但可唔可以都尊重人哋有陪伴自己小朋友嘅心？」、「女仔扮男無問題，男仔扮女仔就變態，有罪？」、「我係迪士尼見到啲爸爸扮白雪公主我覺得佢地好靚，好有勇氣」、「你而家係性別歧視喎」。