荃灣西樓角花園藝術裝置被保安「高度保護」 街坊一坐即趕走：坐爛要賠！
廣告
近日荃灣西樓角連同接駁荃新天地一帶的天橋都變得色彩繽紛，事關由旅遊事務署主辦的「藝遊未盡．荃灣」項目中，七個藝術裝置之一的藝術品「七彩棱瓏」擺放在荃灣西樓角花園，不少市民特意前往並打卡欣賞。本為休憩空間的花園或因擺了珍貴藝術品，有街坊指一坐下即被保安驅趕，並指「坐爛咗要賠錢」。保安行為令一眾港人不滿，斥「咁珍貴，你哋立即圍住公園，只可遠望囉」。惟保安做法連設計師和主辦方都「棄保」，指「歡迎市民任坐」，令網民齊嘲「而家D保安妹仔大過主人婆」。
荃灣西樓角花園擺放「七彩棱瓏」藝術裝置 街坊一坐低即被保安趕走
近日有荃灣街坊因得知荃灣西樓角花園有藝術裝置擺放給公眾打卡影相，因而特意前往。花園本身為公眾休憩設施，不少人都會在上址「休息過日晨」，惟自從藝術品到來後，荃灣西樓角花園的保安即「嚴陣以待」，一見到有人坐於藝術裝置上便上前「大喝」並驅趕休息中的人士，並指「呢度係唔畀坐，坐爛咗要賠錢」，令人不禁懷疑「設計師又話呢個裝置係想帶畀人歡樂，但原來係不准坐臥，更加係備受保護」，不知到底如何可以在保安看管下，令一眾市民在此「笑得出」。
設計師、主辦方、康文署同保安出現相反說法：公眾可隨便使用！
而設計這組藝術品的美國藝術家Craig及英國藝術家Karl接受訪問時，清楚地表達出希望大家跟藝術品多些互動的意願，並指「我們所有的藝術品原意都是希望大家親歷其境，希望大家進入我們的世界，這正是為何在地面也有設計，及不同藝術裝置。它們的設計及建造並非很脆弱，它可以容許大家接觸、在上方移動」。而主辦方及康文署均表示歡迎大家隨便使用。
港人：咁保安又真係無講錯
市民知道設計者及主辦方心意，唯獨保安「估錯晒」藝術裝置擺放在公眾地方的原意，不少港人留言大鬧指保安穿起制服就自以為是，指「而家啲人著制服就以為自己好大權」、「啲保安不嬲都成日做多咗嘢㗎喇」、「香港保安很重要，還記得在時代廣場綁鞋帶都被趕走」、「佢地唔識玩啫，有d保安係要人L下佢至安樂，比我直頭打橫訓埋響度，睬佢都on_，話之佢幾十人落黎，佢根本唔敢掂我，最後咪又只係死死地報警」。不過亦有人為保安發聲，指「根本冇人brief過班實Q（保安），佢哋都唔識點做」、「上面冇要求的話，保安一定唔會做嘢」；亦有網民指保安講得沒有錯，指「歡迎你坐，但坐爛咗真係要賠，兩件事冇衝突，個保安又講得啱喎」、「可以隨便坐，但整爛左要賠」、「坐爛又真係要賠嘅，但呢D係紙造㗎？咁易爛㗎咩」。
關鍵詞
網絡熱話
圖片來源：有線新聞截圖
