00後第一日返工叫女上司XX嚇呆全場 叫英文名都要加1中文字：天真定無知？
廣告
女士們對年齡話題特別敏感都不算是甚麼新鮮事，但職場上十分執着於論資排輩，稱呼不能亂叫！近日就有位00後職場新人在辦公室因稱呼不當，令女上司超激氣，第一日返工就激嬲上司系列。
00後新人第一日返工即激嬲女上司：「Hello XX！」
網上討論區有人開post分享辦公室趣事，指新同事入職當天就踩中上司地雷，激到阿姐臉都紅晒！新同事是一名05年出生的新人，中學剛畢業便投身職場，本來辦公室的氣氛都還算熱鬧，誰知新人一見到阿姐就衝出來：「Hello姨姨，我係XXX！」阿姐頓時冷冷回應一句：「姨咩姨，叫英文名得啦」。全體同事都尷尬非常，紛紛避席。00後疑似入世未夠深、還未意會到事態嚴重，改叫英文名後，硬是要加個「姨」字在後，樓主唯有嘆氣祝福她以後好運。
網民：無好日子過了
其實面對比自己大三十年、年過半百的上司，年僅18歲的職場新人會稱呼上司為「姨姨」也不太為過，但在職場上慎言都很重要。不少網友對事件感到詫異，認為與年齡無關，職場上以「姨姨」、「叔叔」稱呼別人有失禮貌。「年紀大一截就要叫姨姨？好彩唔係叫錯個客咋！」「姨姨叔叔？小妹妹係咪當公司係屋企？」、「死X緊」、「呢家啲後生仔女一啲人情世故都唔識」、「天真定無知」。
另一邊廂亦有人撐00後「大佢三十年有多，叫姨姨都算係禮貌嘅叫法」、「唔叫佢做 grandma 咪偷笑囉 」，有網友笑指女人無論年少老幼都喜歡被稱「靚女」，教00後逢女性就叫靚女就萬無一失。
資料來源：香港討論區
圖片來源：《我們與惡的距離》劇照、ViuTV《和解在後》劇照
