帶頹飯港男投稿暖心事被發現　同事「嚴刑迫供」後揭港男「真面目」

港男生活負擔超大　日日帶寒酸飯返工慳錢　同事得知後翌日即做1暖心事

近日一位港男於FB專頁奴工處投稿分享自己返工的1件暖心事，他指因為自己經濟好大負擔，所以新工除了第一日，之後lunch都帶飯，「有時得幾啖白飯加條菜，有時用熱水煮個即食麵，主要都係睇前一晚食剩啲咩，其實我男人老狗捱下冇咩所謂」。而他表示自己沒有特別和同事説，不過他指有6位同事都會帶飯返工，有日「佢哋見到我盒飯問起我，我都有講我經濟大負擔咁」。

誰知講完第二日，「同事A就帶飯帶多咗少少餸分畀我，到第三日又到同事B帶多咗餸畀我，第四日就同事C……就係咁我日日都有啲餸食下咁」，他直言投稿的時候「打出嚟都想流馬尿，我估唔到啲同事當我屋企人咁，令我日日有屋企飯食」。他最後更表示自己真的十分感謝他們，每天有不同的餸真係好幸福，「成日聽人講返工遇到好人唔易，但係我一遇就遇到6個」。

被「六合小廚」發現投稿後即踢爆港男日常「真面目」

而該位港男投稿不足幾天後便被6位好同事發現，並以「六合小廚」的名義向同一專頁投稿，誓要踢爆港男日常返工的「真面目」！他們表示「我個同事竟然投稿去你哋度，講我同其他同事啲嘢，被我哋發現，嚴刑迫供佢終於認！等我哋又嚟投稿」，直認自己就是「請同事食屋企餸嗰6個人」，更指港男不應「流馬尿」。因為他一來到公司就為同事們帶來很多歡樂，「係公司開心果，人又醒目又好幫到手」，同埋同事們也怕港男太餓會暈倒，指「我哋冇力抬起你」。之後更送上暖心打氣，「再講我哋都想食少啲減肥，你都知我哋個個肥師奶嚟啦！我哋一齊努力工作，同埋準備變肥仔啦你！」

網民看後齊齊留下祝福：遇到好同事，返工都有動力

不少網民看完都感到十分温暖，更指返工遇到好同事真的十分困難，「老實講，有時返工見同事嘅時間真係仲多過見屋企人，莫講話遇到好老闆，遇到好同事亦唔容易，所以你要好好珍惜」、「好人好事，同事們都好人有好報」、「能夠遇到咁多嘅好同事，你真係要感恩」，不過亦有人認為同事對港男好，也是因為他平日人品好。同時亦有網民勸道港男，「Give and take，工作上多翻啲幫同事手就ok啦」、「你身邊同事很好，當有天你有能力幫助別人，要將愛傳下去」。

資料來源：FB@奴工處