辦公室廁所常堵塞 公司出通告要員工做好3件事 呢點簡直匪夷所思！

辦公室廁所堵塞引發創意memo

近日有打工仔在Threads上以「做野20年，最痴線嘅公司memo」為題分享照片，相中見到樓主公司在今年1月15日貼出該通告，指出「近期廁所出現阻塞問題」，為了改善問題而請求各職員遵守以下3點：

1.「控制廁紙用量」：

適量使用廁紙，避免一次性丟入過多造成淤塞。

2.「控制排泄量」：

如有較多排泄物，請酌情分次處理。

3.「分期沖廁」：

如需沖洗大量廁紙或排泄物，請分開數次沖水，以確保管道通暢。

另外，通告亦指出已要求師傅調高水壓，望以進一步解決問題。

網友感到匪夷所思

帖文發佈後隨即引起網上熱烈討論，不少人對於通告第2點感到匪夷所思。有不少網民問「點控制排泄量？」、即係你去到一半，覺得馬桶已經有好多booboo，就要沖一次廁先，然後繼續屙？」、「係咪要屙屙下去第二個馬桶再屙」、「咩叫排泄物分次處理，叫你老細試下沖涼分幾次沖」、「同老細講：『酌情處理唔係同我講，應該係同我個括約肌講』」。樓主隨後回覆表示「問咗相關同事，係分開屙喎」。

有部份網民就對於一間公司需要貼通告「教」員工如何正確去廁所而感到爆笑「老細：『呢班人屙X（都）要人教！』」、「你啲X太長太粗，同我夾斷佢分兩截屙！」、「有咁黐X線嘅規則，就代表有一個黐X線嘅故仔」、「Siu4（笑死），睇嚟真係塞得好緊要」、「由memo變成meme」、「代入公司立場，塞咗廁所就臭，同事臭住屙又辛苦，出通告呼籲都合情合理嘅」。

不過，有些眼利網友就注意到通告上的印章寫著「呢單嘢唔係我跟開」，就針對該通告的真實性提出質疑「咩公司嚟？」、「公司名叫做呢單嘢唔係我跟開？」、「個公司印，唔錯」；結果樓主揭露，這份通告實際上並非公司正式文件，而是創作部同事所製作「出memo嗰位係創作部同事嚟」、「唔係正式嘅，放心放心」。