獵頭公司揭：打工仔薪酬低有樣睇！3大加人工關鍵要知道 隨時增幅30%

獵頭公司揭打工仔薪酬低有樣睇！

一位網民自稱在獵頭公司工作並在討論區上發帖，表示發現「愈忠誠的人，人工就愈低」指出有些打工仔在一間公司任職10多年，薪酬3萬多左右，不過亦有差不多條件及年資的打工仔，因為有定時轉工，因此其薪酬大拋離前者，因此他提出3大加人工關鍵！

打工仔薪酬低有樣睇｜1.對公司忠誠前要先保護自己利益

樓主表示「忠誠唔係問題，但係都要識保障自己」因此建議打工仔要定時留意市場環境，以及出去面試了解自己是否被低估：「了解自己係咩價位，再同自己公司傾下計。」

打工仔薪酬低有樣睇｜2.了解市場環境

獵頭提及到，新公司通常會根據求職者當前的薪資來設定新的薪酬範圍，因此合理的加薪幅度大約在20%至30%之間，所以求職者可根據這個幅度提出薪酬要求，但也需注意不同行業間的差異。

打工仔薪酬低有樣睇｜3.定期轉工

「定期轉工」意思並非是無時無刻都要轉工，不過最理想可以每三年左右轉一份工或者出去試下水溫。

網民反應：「每3-4年走一走是常識吧」

帖文引起不少網民討論，大家都認為樓主講得有道理：「真！如果13k 開頭，加20%真係不痛不癢。不過20k 開始，每20% 一年差距就幾皮嘢嫁啦」、「除非做到只under 老闆既級別，如果唔係忠誠=垃圾」、「腦細唔加你人工，咪自己加自己人工」、「係香港做同一間公司唔會理你年資去加,但跳出去人地就會」

不過亦有人唔認同，留言表示：「做咗獵頭之後，發現越忠誠嘅人，人工就越低。做咗獵頭之後，發現越多忠誠嘅人，獵頭人工就越低。」、「你咁講法應該冇窮人，個個咁易轉工就冇窮人啦」