維港teamLab發光蛋花5千萬免費入場 議員倡「收$100位又可進帳2億」

康文署預料 「teamLab：光漣」能吸引逾200萬人次參與

展覽於金鐘添馬公園至海上放置200多件3及5米高的「發光蛋（ovoid）」裝置及投影樹群，發光蛋寓意持續站立的生命，可以在任何地方持續站立。ovoid即使被推到、被風吹到、被浪拍倒，也會一邊迅速恢復站立，一邊改變光的色彩，並且發出此色彩特有的音色。當風靜止，沒有人觸碰時，ovoid會開始慢慢得忽明忽暗，相當有意景，teamLab的藝術吸引力無容置疑，康文署署長劉明光指預料吸引逾200萬人次參與。

立法會議員江玉歡：「我們既然花了5千萬，點解一定要免費呢？」

選委界立法會議員江玉歡表示，查看新加坡及其他地方的Team Lab展覽，收費大概100至200元，若預計有200萬人參觀，應為香港帶來2億元收入。她質疑政府不應將所有遊客活動都配合內地旅客的旅遊模式而變成免費，也要替香港賺錢，活動只有睇頭，華麗轉身可以成為是一個不錯的工具，為政府庫房賺取收入。

她再補充指，展覧吸引之處在於人與展品的貼身互動，觸碰後會變色，即是說要入夜後才最吸引，「那麼在3個月內達到200萬人次，即每晚要接待2萬人作沉浸式的體驗？」對此網民有持不同的看法…..

「全世界team lab 都收錢，點解香港唔收？深圳teamlab 都收錢啦。」

「咁睇煙花又收幾錢場？」

「係官既角度佢哋要服務大陸人，氹佢哋開心，而啲大陸人落嚟係窮遊既，食雪糕都話要免費既，咁仲點收佢哋錢呢？」

「乜都話要免費，覺得要收錢就冇人嚟，咁政府自己要檢討吓啦，我哋去日本Team Lab都會比錢，俾得心甘命抵，香港庫房就嚟敗哂！」

「唔難理解點解政府在過去一年有一億元財赤。」

「洗左錢，唔諗點賺錢。不如送埋洒店住宿，－日三餐啦！政府咁鐘意貼埋大床俾遊客。

Anyway 收翻$30位，至少回本先，點解唔做」

「江議員你有所不知，這個光漣展，如果要收費，一定不會多人參與，預計二百萬人，真的妙想天開。」

「如果要收門票，成本都會相應增加，例如要圍封場地、增聘保安、Ticketing System，相信唔止5000萬埋單，但又唔係咁多人俾錢入去，到時恐怕得不償失。」

網友質疑成本過高 疑成「國際水魚之都」

除了門票應否收費之外，有網民更笑指發光蛋（ovoid）裝置根本不值花費數千萬，更指LED發光蛋淘寶每隻只需人民幣$75起，最貴都是約千元，狠批浪費納稅人金錢，洗腳唔抹腳！

「比夠$200隻都買到廿幾萬隻」

「5000萬攪一堆異形蛋出黎？」

「政府：俾5000萬你，同我買200隻返黎」

「貴係teamLab個版權 真係用淘寶陣間又比人插抄襲」

「一早都話廢官買嘢唔知價，五千萬噴水池之後五千萬膠蛋」

「政府一向都係搵公司淘寶架啦」

「起條行人天橋都十幾廿億，今次算有良心」

「國際水魚之都 點講一隻成本唔洗25萬」