14歲少年闖粉嶺墓地拍片！粗言辱罵先人兼連環破壞 網民：你大鑊啦！
廣告
先人當然要尊敬，不應做出不敬行為。但近日在網上流傳自拍片，一名少年闖入粉嶺一個墓地，並搗亂山墳，更對著山墳爆粗做出一連串不當行為，片段流出後更引起網民熱議。
14歲少年闖粉嶺墓地拍片：我未X驚過
近日網上流傳一段影片，從影片中可見，一名14歲少年闖入粉嶺墓地，並在墓地前帶有粗口揚言：「X你XX，我依家嚟到深山，呢個墳墓集中營，睇吓裡面有乜料啦！」行為大膽，極度不尊重。少年在墓地中邊自拍邊遊走，期間不斷以帶有粗口的字句表示：「X你XX，又墳墓，咁XXX多，我都未X驚過！」之後他更走到一個山墳面前，指著並不相識的先人墓碑，瘋狂爆粗辱罵該先人，其後更出手掃跌墓前花瓶中的花才離開。
粗言辱罵先人兼破壞 鬧觀音：你哋死得未？
而另一影片中，可見該少年走到路邊的小廟，對著小廟以粗口不斷辱罵，更出手搶去小廟中供奉先人的遺照，他手握遺照並辱罵：「睇吓你條X樣，你幾咁抵死。」辱罵過後隨手亂放下遺照邊罵：「你入去陪吓佢哋，同歸於盡啦。」罵完先人後，少年再罵小廟中供奉的觀音：「你哋死得未呀？拜你老X臭X」然後影片便完結。
網民：真係會有報應
少年由搗亂山墓，到辱罵神明，行為引來網民熱議，直斥「人神共憤」、「會有報應」、「大不敬」。而有網民亦認為山墳後人，可以以此影片報警，告誡少年的不敬行為，稱「佢自己拍下罪證，報警啦！」、「對住死者個墳同觀音問佢哋『死未？』，先人就緊係離開咗啦」、「離晒譜，而家D人有幾無聊，玩抖音玩上腦？」。
資料來源：LIHKG討論區
關鍵詞
網絡熱話
圖片來源：《東張+》截圖
