港女上《無綫新聞》稱搭的士中環去天水圍只需$130 現實真係得？
港女做訪問稱「中環去天水圍只需 HK$130」 的士司機：造假都講真D啊
早前，TVB《無綫新聞》為了研究香港的士司機劏客的情況，便在街頭進行訪問，並找來了其中一名受訪者Kristy採訪。Kristy在訪問中談及有關自己於中環蘭桂芳截的士的情況，她指出平時從中環乘坐的士到天水圍只需 HK$130-HK$140，就算是 Uber 也只需 HK$170，聽到有的士司機「獅子開大口」報價 HK$900時大感震驚，直言已是機票的價錢。
網民瘋狂討論：係咪坐滿人每位130？
網民看到受訪者的分享，直指對方「離晒大譜」，指出「天北（天水圍北）落屯門醫院都成嚿水啦」、「$130？西隧加大欖隧道費呀？」、「旺角去天水圍都250啦」、「係咪坐滿人 每位130？」、「天水圍去碼頭已經130，綠的」、「我幾年前蘭桂坊返青衣都2百幾喎，佢係唔係幾十年前穿越嚟」、「佢一定用過時光機」，認為受訪者對的士收費一點概念也沒有，完全是「吹得就吹」。
網民指責無綫新聞：連呢d 基本常識都無
事實上，有網民試圖用 Google Map 及的士Call車App查看一下收費，指「中環至天水圍大約38.1公里，按運輸署的收費標準來計算，首2公里為$27、之後每200米$1.9；而價錢到$93.5後，每200米$1.3。所以單是38.1公里的路程已經需要$282，當中更未計隧道」，而Uber 更是 4 百起跳，指出受訪者一點常識也沒有。而無綫新聞竟沒有查證下照樣「出街」亦有問題，認為「其實最大問題係 tvb 連呢d 基本常識都無，好心查吓，確定吓先播出街啦」、「TvB 無編審？點解咁都出到街？搞到之前截幾次車接唔到，加到900先肯去，都無人留意」、「，也有網民嘗試解畫，指可能是與朋友一同搭 AA 後的價錢「佢應該唔係一個人搭，次次2個人AA 咪岩囉」，才會出現今次的「烏龍」發言。
的士Group不滿「亂講嘢」 網上要求平反
除了受網民嘲笑，Kristy言論亦激嬲的士司機，片後在的士群組不斷瘋傳，司機紛留言指「要求平反，中環返天水圍邊有可能$130，就算7折都唔得啦」、「針對的士而作出嚟嘅短篇笑話」、「造馬都搵個好D啦，想唱衰的士好易，但佢咁講真係搵鬼信，我都想知邊位師兄收到呢個價」、「假新聞，假到一個點」。不過亦有網民入Group強調「重點係黑的收$900，唔好轉移視線」！
