港男上節目向男團成員示愛 大爆男粉絲追星易享特別待遇：錢唔係問題
港男追男團花盡心思博得關注 更會被女粉絲特別照顧
香港和韓國的追星文化略有不同，主力追MIRROR男團的2名受訪者表示自己在追星途中都有不同經歷。其中22歲的男神徒指自己當初是因為看了一場MIRROR演唱會而深深愛上Anson Lo，他指「嗰陣見到Anson Lo跳舞好勁，好柔軟，加上聽完佢首《角落生物》就入坑」。以他所見，其實神徒之中，男女粉絲的比例大概有2：8，多數都是女粉絲為主，自己一個出席活動時反而會備受女粉絲特別關注。神徒指「有次去活動，我唔知原來可以帶櫈仔去，有個女神徒主動借畀我坐，我哋輪流坐；有時去拎應援，啲金主或者女粉絲佢哋見到我都會派多張畀我，好照顧男粉絲」。
50歲中年大叔為免被女生誤會 花盡心思融入粉絲團
而另一位同樣追MIRROR，卻因姜濤而愛上Jeremy的豬先生則指，自己當初見姜濤拿了一個獎項後才開始留意這個組合，因姜濤是最年輕的一位取得此獎項，自己因好奇心下重溫《全民造星I》及《全民造星II》，考古過程中留意到Jeremy與自己的工作經歷非常相似，因而愛上了他。而主持人迪偉追問下，豬先生再解釋指「我覺得佢好努力去做一件事，但公司當佢透明人咁，同我好似，加上佢造星2嘅表現好令人眼前一亮，從此就入咗坑」。而在追星途中，由於男粉絲數量只佔少數，豬先生指自己都被偶像認得出，他指「我年紀大跑唔快，有次喺電台門口同其他人一齊等佢出嚟，唔可以企太多人，我係唯一一個男士，就會顯眼啲」。加上睇演唱會較少男粉絲，「叫得大聲就聽到，會特登搵男仔傾偈」。
愛上男團，但豬先生指起初追星時常有尷尬時刻發生，皆因對方的粉絲大多為女生，「一個50幾歲呀叔一齊去追星，出活動嗰陣好逼㗎嘛，啲女仔就會覺得好怪點解有個呀叔過嚟逼，係咪有其他企圖」。而為了融入粉絲群，他唯有每次出席活動時都多多打招呼，在TG群組中亦多留言發聲，等粉絲團認得自己，以後就沒有那麼尷尬，「同時好似同佢哋講：『你畀我鍾意Jeremy啦』」。
男生追韓國男團秘聞更多 男偶像會容易認得你！
而另外2位追韓國男團的受訪者則指，韓國的女粉絲反而沒有那麼接受男粉絲追男團，事關韓國不太接受同性戀，當女粉絲看到自己心愛的男星竟有男粉絲時，她們第一時間會聯想到「你一定係同性戀」，為了避免自己心愛的男星被懷疑，女粉絲會先「做一層過濾」，甚至杯葛他們，希望他們「唔好再出現，唔好再咁出位」。
雖然被杯葛，但男生追男團確實有好特別待遇。阿毛本為一名十分踴躍的男粉絲，即使要花30萬港元出席所有演唱會都在所不惜，1萬3千元的簽名會都會照去。而對他而言，男偶像認出男粉絲的機會率十分高，當全場都是女粉絲時，他會以咆哮式的叫聲大叫「哥（韓文）」，男偶像一定聽到並且會「尋人」，久而久之就會被認出，甚至知道名字，有時男偶像更會表示「我認得你有嚟」，單是這一句已是特別待遇，亦十分高興。相反，女生發生相同情況的機會則會相對地少，所以男粉絲都算有「著數位」，反而女人恨唔嚟。
