「牛雜妹」愛犬遭伯恩山犬襲擊 留醫ICU觀察情況嚴重

「牛雜妹」愛犬手術全身插滿儀器 終於行返路

Monnie在社交媒體上分享了Whiskey手術後的情況，愛犬全身插滿了醫療儀器，眼中充滿了淚水。她透露，Whiskey需要在ICU中至少觀察一星期，她每天都會去醫院探望。「未放心到，但係我相信佢會堅持，佢已經好叻仔，醫生話本身佢任何一個傷口都足以致命。」

直到昨日（22日）Monnie再更新Whiskey手術後的情況，成功行返路，醫生表示生命指數正常，但因為大量失血的情況下有點貧血。現時仍然留在ICU觀察，未算渡過危險期。

伯恩山犬因未有妥善看管

這場悲劇是如此突然，Monnie回憶說，伯恩山犬原本被關在大樓的大堂內，但其主人未有妥善看管，導致狗狗衝出並攻擊Whiskey。「佢隻狗（ #伯恩山犬 ）本身喺大堂入面關住門，然後佢主人居然喺入面放心冇拖繩，跟住佢隻狗見到我兩隻狗喺出面就突然衝出去咬我Whiskey。」

醫療費15萬或以上！伯恩山犬的主人難以負擔

事後，伯恩山犬的主人承諾會全權負責，但賠償問題仍在討論中。「但係佢知道醫療費可能需要15萬或以上，佢話佢負擔唔到，不過佢都想努力承擔責任，我哋暫時都冇心思討論呢樣嘢住，所以一切都等出院之後，睇嚇個銀碼係幾多再決定點樣做。」

「牛雜妹」呼籲其他狗主的注意

Monnie最後呼籲所有狗主，特別是大型犬的主人，應該隨時注意自己的寵物。「千祈唔好覺得自己隻狗冇攻擊過其他人或者隻狗仔就冇攻擊性，特別係大狗。任何時候都唔應該喺街外放繩鬆懈，因為意外真係一瞬間就會發生。如果明明知道自己隻狗嘅品種係有危險性嘅話，就應該養成出街幫佢戴口罩嘅習慣。」