網民分享11大爆笑中文名　朋友叫「楊偉」點講出口：爸媽收手啦

港人盤點11大最好笑中文名　「朋友叫吳能知真係唔知點講出口」

早前有人指，有姓萬的爸爸為兒子改了一個霸氣皇族名，發音等同於「萬歲爺」，尷尬到連老師都不敢叫出口。不過原來這些尷尬情況非單一事件，於討論區上更集合了11大最好笑中文名，令一眾網民笑到不能停止，更有人稱「我朋友真係叫吳能知，我都唔知點樣叫出口好，一陣讀歪少少就變粗口」，更勸喻各位爸媽「可唔可以唔好再玩諧音，真心出晒事」。

1.宋緊忠

網民指，自己早前搭的士時，無意中發現的士司機的名牌上，姓名欄打上「宋緊忠」3字，當場想笑出口，但基於尊重而忍笑，但真心未能想像為何有父母會為兒子改一個富有特別意思的名字。

2.吳春枝

網民指，身邊有一名上了年紀的朋友確實叫「吳春枝」。

3.陸浩昌

網民指，到銀行辦理手續時，聽到廣播稱：「陸浩昌先生請到6號窗」，當場笑出聲。

4.林美香

因「林美香」與「臨尾香」同音，因而網民指「好好笑，點解會叫個女臨美香」。

5.楊偉

因發音與形容別人某種行為表現，對男性的自尊相當重要，因而感到驚訝及搞笑，竟有家人「詛咒」自己的兒子。

6.霍景耀

網民指，自己有一朋友叫「霍景耀」，因發音與英文「Fxxking You」相似，因而常被人笑。

7.范統

網民指，「細個喺星期日檔案睇過，大嘅叫范統（飯統），佢細佬仲要叫范剛。

8.楊鉅祥

網民指，「改得呢個名一定係男仔，呀爸媽對佢好有期望，但會唔會太露骨」。

9.葉緣

而有人指，自己身邊有女同學叫「葉緣」，指萬一以後男朋友向家人介紹女朋友時，指「Hello，佢叫葉緣」，同「孽緣」同音，「真係啋過你，即刻扣分」，聽到真係笑死。

10.徐定富

網民指有一經典例子，曾有人廣播指「徐小朋友，徐小朋友，你爸爸徐定富（除定褲）喺門口等你」。

11.高遠

網民：爸媽以後真係高抬貴手

網民指，其實每個年代都會有不少「經典例子」，稱：「以前有吳鎮宇、陶大宇，而家有陳柏宇，嚟緊又玩D咩」、「藝人最經典真係陶大宇，畀人笑足幾廿年掏大乳」、「真心唔明爸媽咁鍾意玩食字做咩，可唔可以高抬貴手」、「改名要18歲先改到，即係改咗個畀人笑嘅名，要忍足18年，各位爸媽真係生生性性」。