港女全身麻醉術後出院 搭港鐵坐關愛座竟遭阿婆辱罵：不知羞恥冇家教

港女出院搭港鐵坐關愛座遭阿婆辱罵

事主在Threads上分享事件，她表示日前在醫院做完全身麻醉手術，隔天出院後搭港鐵回家。期間她坐在關愛座睇手機休息，沿途有名阿婆上車並走到她面前，再用手敲打事主的手機，質問她：

「你知唔知而到關愛座位嚟？係俾阿婆坐，你仲唔起身？」

事主耐心解釋自己身體不適，惟阿婆得寸進尺地反問「你個樣邊似唔舒服？唔舒服仲玩電話？你望下個板，便到有將唔舒服可以坐？淨係寫老人家、大肚，大肚你就唔似㗎啦」；據帖文中附上的片段見到，阿婆上下打量樓主，口中不斷辱罵「咁大個人都唔識羞恥」、「冇家教」，但事主就選擇沉默應對，避免與阿婆發生口角。事主亦在帖文中表示，若然阿婆的家人會見到該條帖文，還請他們可以教育她尊重別人「鬧人前諗一諗，唔好咁自我中心，唔係所有野都係老憑，間中諗下人地處境。」

網民怒斥阿婆：唔識尊重人

帖文隨即引起網民熱烈討論，不少人都怒斥阿婆的行為「太偏激咗少少，遇到很多老人家不接受讓座，佢哋都知道關愛坐係留俾有需要嘅人」、「佢憑乜嘢去教育同批判人？」、「佢都唔見得有廉恥，咁唔識尊重人」、「佢咁好中氣，唔使坐啦」、「自私、貪心、無同理心」、「唔想企就去搭的士啦」、「啲廢老純粹欺善怕惡」、「最討厭就係呢d持老賣老嘅老屎忽」、「敲人電話此動作已冇乜禮貌」。

另外有不少網民都遇到過類似情況「我都試過懷孕39週嘅時候，俾一個自稱係婆婆嘅女士拍我膊頭叫我起身」、「我都試過呀，我係肺4病患，已剃頭，冇頭髮戴帽，成日坐鐵都比人叫讓座」、「我試過馱住6個月b，坐巴士關愛座，比個阿婆話我唔知醜，咁後生坐阿婆位」、「我試過兩隻隻膝頭哥聯左針，比個阿伯鬧我癡2塊膠布就係到扮哂野，嬲到即場撕開塊膠布比佢睇啲針線，佢睇完唔敢再出聲！」