有片｜港鐵阿婆迫港女讓座兼舉中指狠斥「冇家教」事主現身說法風向大反轉

Apr 21 2025

近日網上瘋傳一段港鐵爭執影片，1位阿婆要求2位港女讓座但遭到拒絕，竟然出言不遜並伸出中指，更口出狂言指責涉事港女「你唔係香港人啊？你無家教㗎！」事後其中一名涉事少女分享相關影片，不少人睇過影片覺得港女有錯在先，但後來網上傳出一張相片竟然讓輿論風向大反轉，令大量網民反斥阿婆態度惡劣！

港鐵阿婆迫港女讓座兼舉中指

周六（19日）多個Facebook群組和Threads上流傳著一段影片，片中1位推著買餸車的阿婆要求拍攝者（其中一名涉事港女）讓座，「我要求個位畀老人家，你當聽唔到，無家教！」，女事主喝斥「邊個話一定要讓呀？」，阿婆又說：「OK！你問一問啊，你唔係香港人啊？你無家教㗎！」女事主就反駁說：「咁我哋都會攰㗎，攰唔使坐啊！」阿婆一時無言以對未有答話，女事主續指「我哋唔讓你，你影人做乜先！」、「你影人做乜？我影你得唔得啊？！」，阿婆大聲表示「得！」後隨即對著女事主舉起中指，用粗口手勢無聲地指罵女事主。此時鏡頭外有人不齒阿婆的行為，出聲怒斥她「你唔好倚老賣老啦！」，但阿婆不予理會並出聲建議女事主報警，女事主駁稱「你唔報警？」婆婆目中無人地說「我唔使報，我上晒（影片到）互聯網㗎啦，你check一check啊，OK？」，之後又斥責女事主：「著到好眉好貌，斯斯文文，但係完全無修養，無規矩！」、「以為自己好威、好叻，好靚！」更開始賣慘自稱：「我係一個好賤嘅家庭婆，OK？我無擺款！」

讓座片中1位推著買餸車的阿婆要求拍攝者（其中一名涉事港女）讓座，「我要求個位畀老人家，你當聽唔到，無家教！」，女事主喝斥「邊個話一定要讓呀？」，阿婆又說：「OK！你問一問啊，你唔係香港人啊？你無家教㗎！」（圖片來源：FB@ON9 江湖柒事 2.0） — 片中1位推著買餸車的阿婆要求拍攝者（其中一名涉事港女）讓座，「我要求個位畀老人家，你當聽唔到，無家教！」，女事主喝斥「邊個話一定要讓呀？」，阿婆又說：「OK！你問一問啊，你唔係香港人啊？你無家教㗎！」（圖片來源：FB@ON9 江湖柒事 2.0）

讓座阿婆對著女事主舉起中指，用粗口手勢無聲地指罵女事主。（圖片來源：FB@ON9 江湖柒事 2.0） — 阿婆對著女事主舉起中指，用粗口手勢無聲地指罵女事主。（圖片來源：FB@ON9 江湖柒事 2.0）

讓座阿婆斥責女事主：「著到好眉好貌，斯斯文文，但係完全無修養，無規矩！」（圖片來源：FB@ON9 江湖柒事 2.0） — 阿婆斥責女事主：「著到好眉好貌，斯斯文文，但係完全無修養，無規矩！」（圖片來源：FB@ON9 江湖柒事 2.0）

阿婆辯稱：關愛座係俾老人家坐

隨後阿婆又表示「唔係攰唔攰嘅問題」，辯稱「關愛座係俾老人家、大肚婆同細佬哥坐」，女事主即反駁：「我哋唔係細佬哥啊？」；阿婆又指自己是長輩，女事主應該要讓座給她，「唔係大晒，但係指明」，又強調在內地已有相關明文規定。未幾阿婆走到對面空位坐下，拿出手機高調地拍攝女事主，不斷用英文說「Good！Good！」、「social media」等字眼，惟現場太過嘈雜而未能聽清內容。

讓座隨後阿婆又表示「唔係攰唔攰嘅問題」，辯稱「關愛座係俾老人家、大肚婆同細佬哥坐」（圖片來源：FB@ON9 江湖柒事 2.0） — 隨後阿婆又表示「唔係攰唔攰嘅問題」，辯稱「關愛座係俾老人家、大肚婆同細佬哥坐」（圖片來源：FB@ON9 江湖柒事 2.0）

讓座未幾阿婆走到對面空位坐下，拿出手機高調地拍攝女事主，不斷用英文說「Good！Good！」、「social media」等字眼，惟現場太過嘈雜而未能聽清內容。（圖片來源：FB@ON9 江湖柒事 2.0） — 未幾阿婆走到對面空位坐下，拿出手機高調地拍攝女事主，不斷用英文說「Good！Good！」、「social media」等字眼，惟現場太過嘈雜而未能聽清內容。（圖片來源：FB@ON9 江湖柒事 2.0）

女事主現身說法解釋來龍去脈

相關影片隨即引起網民熱烈討論，不少人指責女事主「你哋態度都唔係好，其實係唔係應該解釋返佢知，關愛座既主要目的？」、「個婆婆有唔啱，但係，細路(女)都有唔啱，做咩要拍片影婆婆？其實……無話邊個啱哂」。但周六約傍晚時間，女事主在其Threads帳號上解釋事件的來龍去脈，她指當時阿婆上車後「就特別冇禮貌叫我同我朋友讓開」，之後阿婆見2人不為所動就口出狂言，隨後才發生片中事件。女事主又指，當時下車後有問港鐵職員有關讓座的問題，對方就表示「讓唔讓係睇自己，想讓就讓，唔讓就唔讓」，然而阿婆無禮的行為就令她們感到不滿，故此沒有讓座。

網傳一張相讓輿論大反轉

同日晚上網上流傳1張疑似是阿婆視角的照片，見到女事主和友人坐在港鐵長椅上，座位上方雖然有貼著關愛座貼紙，但座位顯然並非關愛座。該張照片瞬間令風向大反轉，不少網民反批阿婆「蝦細路」、「真係好憎呢啲老嘢」、「讓係人情，唔讓亦係道理」、「嗰個叫關愛座，叫優先座Priority seat，係鼓勵乘客讓座畀有需要人士，並不是necessarily（必須），亦無法律明文規定要畀長者坐」、「擺明欺善怕惡」、「後生就唔會攰？仲理值氣壯覺得自己好有道理，睇見都想嘔」。