港鐵有「米奇」出沒?! 老鼠在車廂狂奔 嚇驚女乘客大叫：黐線㗎！

港鐵車廂有「米奇」出沒？！

有網民在Threads上以「到咗2025年 米奇都識搭鐵去迪士尼了」為題發佈影片，片中見到一隻老鼠在港鐵車廂亂竄，「米奇」在車廂內快速移動，從2名乘客的腳下穿過，然後又跑到另一節車廂，期間有名女乘客受驚大叫「黐線㗎真係！」，但周圍的乘客就好似視若無睹，非常淡定。

網友的熱烈反應

影片引起網民熱烈討論，有網民戲稱為「米老鼠列車」，亦有不少人留言「佢冇買飛上車，捉佢」、「車廂內嚴禁奔跑」、「米奇出去玩完返屋企啫」、「應該係迪士尼線走出尼（嚟）」；此外，有網友表示驚訝「俾我見到一定狂尖叫，好癲，老鼠」、「等啲人仲成日話忙到冇時間食飯，要喺車食嘢，影響唔到人就得，依（𠵱）家老鼠都有，恐怖」。