港鐵大叔上車因1事遭批踭怒罵阿伯 結局發展笑爆網民：阿叔識玩呀

港鐵爭執事件詳情

上周三（12日）有女網民在Threads上分享影片，她表示在乘搭港鐵觀塘線時，列車駛至藍田站有1位戴帽阿伯和1位大叔戴口罩上車，其後二人隨即發生爭執，大叔怒斥阿伯「逼上車批踭」。片中見到，當時車廂較為擁擠，二人站在車門位置爭吵，大叔怒罵阿伯「你唔好扮X晒嘢啊，我同你講！不X知所謂啊，幾廿歲人都唔化嘅！」，阿伯反駁「你就不X知所謂啊！戇XXX！你真係啊！打尖我都唔X下你，你戇XXX啦」。

雙方不斷用粗口對罵，期間阿伯更伸手「叉」向大叔頸部，此時列車駛至油塘站，被「叉頸」的大叔挑釁著阿伯「出去（下車打）」，阿伯表示「出去咪出去，我驚你啊？」

車門打開後，大叔立即落車，然而阿伯仍留在車廂沒有離開，大叔見狀站在車門外喝斥「來啊！X癱！X你老X出嚟啊！你正一廢柴啊，出嚟啊！」，阿伯反挑釁「入嚟啊！」，最終雙方隔著車門又再對峙，最後大叔喝罵「你老X臭X！你吔屎啦！」後離開，列車關上門後駛出。

公眾反應與討論

帖文隨即引起網民熱烈討論，不少人對事件的結局感到可笑「阿叔識玩呀」、「睇到最後笑咗」、「你入去我就出嚟，你出嚟我就入去」、「講就兇狠做就碌X」。亦有網民指出，「而家有啲人係好鍾意起踭，有時條路窄唔係縮埋啲讓大家，而係故意舉起手踭好似要批到人咁」；另外，亦有人認為公眾地方吵架好失禮「我成日覺得呢啲交無謂，有人撩我我都走開，又無奬金」、「冇結果就唔好去嘈啦！」、「打贏上差館，打輸入醫院」、「嘈交有咩用？落車打丫嘛」。