紅髮「公主」踎港鐵斥男學生用眼神騷擾　網民竟錯重點：你哋影衰迪士尼！

港女港鐵踎低惹乘客觀望　突發惡指罵其中一男學生：你X騷擾我！

從影片中可以看到，這位女性穿著熱褲，她和她的紅色短袖男友大聲責罵一名男學生，說著「望咩啊X樣！」這位女性還指著男學生連續發表一連串的言論，聲嘶力竭地喝斥「係咪想性騷擾？報警，而家就報警」。而身穿黑色外套的男學生一面冷靜地解釋只是「看了一眼」，但紅髮女生卻斥責他指「你睇一眼令我唔舒服！邊間中學？」，她的男友也一再重申「望乜x嘢啊」。

男學生報警處理　港女：我唔舒服M痛踎低，你X騷擾我！

在這兩人的連珠炮發下，男學生不得不報警求助，向警方描述說：「上水火車站……有女人坐在地上，跟住我望一眼，而家……」，但還未等男學生講完，紅髮港女已不停用粗口插嘴，而當聽到「坐」這字後，站在一旁紅衣男友立即插嘴說道：「咩叫做坐啊？」，港女亦再次嚴厲地糾正了男學生的說法，「我係踎喺地下！我唔舒服，M痛（月經），所以踎喺地下！你性騷擾我！」

乘客斥港女「公主」發作：你知唔知咩叫X騷擾！

而男學生報完警後，要求對方於粉嶺站下車等待警察到場，但紅髮港女仍然不停地大聲責罵，幾乎尖叫著說「望乜X啊！你知唔知性騷擾嘅定義係咩？就係你任何行為，任何語言，任何眼神，令到女方覺得唔舒服，被威脅，被攻擊，就係騷擾！明唔明白？明唔明白！知唔知道」。而男學生勸這位女性冷靜下來，但她的火氣只是更加旺盛，「冷靜乜嘢啊？1個女仔，喺1個地鐵車廂度，被唔禮貌咁望住，有咩感覺啊」、「1個女仔自己都算喇，佢有男朋友，你都夠膽望」。

下車後男學生向公眾討公道　港女委屈哭訴：我無屈你㗎

而3人下車後在港鐵站內待警察到場，而男學生此時向圍觀的途人解釋，指自己當時看到該名港女踎在地上，自己和朋友只是看了兩眼然後走開，誰知被二人追罵斥「X騷擾」。而男學生解釋的同時，原本「聲大夾惡」的男女事主則變得相當「委屈」，女生在旁激動地插嘴，指「有CCTV㗎，有CCTV㗎，我無屈你㗎」。而她男朋友則不停拉扯著她，把她擁入懷中作安撫。

而上載影片的網民在帖文中補充，指3人落車時，聯同自己及多名看不過眼的乘客都有緊隨落車，並指「個細路平安」，又批評該對男女，指「個細路應該好大陰影，M到都唔使亂發脾四㗎，全程態度奇差」。

眼利網民錯重點：你哋真係影衰迪士尼

而影片另一個重點竟意外落在同行男朋友的書包上，有眼利網民發現男朋友書包竟掛上了一隻「linabell」，稱「雖然唔太關迪士尼事，但見到個男人吊住bellbell，比bellbell見到都會好嬲，唔知係咪谷友」、「畀佢哋掛住隻BellBell喺書包，真係影衰晒迪士尼」。

影片瘋傳獲過千討論　網民：下場真係好心涼

影片上載後，旋即受到熱議，網民看完影片都表示替學生哥感到心痛，指「擺明係恰細路刷存在感，試下對方係成年人，睇下夠唔夠膽咁惡？」、「乜望一眼就係X騷擾？正常見人踎喺地下都會望幾眼㗎啦」、「M痛就唔好著咁短褲啦，你踎喺度可能人哋以為你唔舒服睇吓使唔使幫手啫，美人，唔好恰啲心地善良嘅小朋友啦」、「咁怕畀人望，咪行出街啦，出街記得叫自己條佬鎖佢入夾萬，冇人會望到佢」、「把聲好X刺耳」、「有時，呢個世代，男嘅都要識保護自己」、「真係要叫佢做『公主』，咁大支嘢搭的士呀嘛，你王子又要慳」。

亦有網民指「車廂到聲大夾惡，一落車話報咗警就扮慘扮可憐」、「見到公主有呢個下場好心涼，好彩學生哥無事」、「如果他日見到有人訓咗喺地下無人理，真係唔好怪人冷漠無人性，就係呢啲人搞到係人都驚自己好心無好報，分分鐘好似個同學仔咁畀人屈！乜都唔理保平安，望兩眼就X騷擾會唔會痴線咗啲」。