沙田站男童疑尿急即場便溺 職員見狀即勸喻卻遭家長反擊
廣告
近日網上瘋傳一段影片，片中顯示港鐵沙田站有男童疑似因為尿急，其母親拿著膠袋讓他「就地解決」，隨後被站內職員發現引發雙方爭執。影片被廣傳後，引起網上熱議，不少人怒斥該名家長的行為「冇公德心」。
沙田站疑有男童尿急「就地解決」
相關影片首先被發佈到Threads上，隨後有人轉載到Facebook群組「車cam L（香港群組）」，片中見到現場為港鐵沙田站，有位媽媽帶著2名小朋友站在月台角落位置，其中1名男童懷疑尿急，片中媽媽馬上拿出膠袋讓他「就地解決」，如此行為被月台男職員發現，雙方隨即爆發激烈罵戰。男職員表示「你唔係呀話喺個角落頭，睇到㗎上面，有閉路電視影住㗎24小時」，該名媽媽聽後答指「我知道呀但係唔會㗎，有樽㗎」，並向職員展示膠袋，袋中見到一個圓柱狀物體，懷疑正是男童如廁的是水樽。
男職員隨後勸喻對方盡快離開「咁你宜家離開呢度定點㗎，你直接行啦好無，要Call清潔嚟清潔㗎」，該名媽媽堅稱「無嘢呀」，職員馬上指住膠袋怒斥「你成袋尿，點會唔係啫」；媽媽不滿被指責，把膠袋放在推車上大喝「我放喺度得唔得呀」，男職員見狀隨即警告「罰錢㗎你咁樣便溺，你知唔知㗎」，她又解釋「唔俾，罰錢，佢瀨咗尿出咗啦，我都出嚟啦」；男職員眼見警告無果，無奈表示「咁你都唔好咁樣啦」，惟媽媽又繼續辯解「帶咗個樽啦，細路仔嚟（去）㗎唔切架嘛，我攞咗袋」，隨後該名媽媽和孩子們往扶手電梯方向離去。
網民怒斥：基本公民意識都無
影片發佈後隨即引起網民熱烈討論，不少網民批評該名媽媽的行為，認為即使是小孩也應該使用公共廁所「2個都讀緊小學喎」、「沙田站有洗手間，行上去有幾難，咁大個忍一陣都得掛」、「而且男仔（男廁）都唔使排好耐」、「周圍放低啲（排泄物），呢啲係家長教育問題」、「基本公民意識都無，真心黐線」、「根本佢自己想趕車，唔肯浪費時間帶佢哋去厠所」。
另外亦有網民讚揚男職員見義勇為「哥哥仔好波」、「地鐵哥已經好克制了」、「要去mtr讚下呢個盡責嘅男職員」、「佢丟袋尿入垃圾桶，穿咗或者綁唔緊，咪又係搞住清潔姐姐」。
圖片來源：FB@車cam L（香港群組
